புத்தகக்காட்சியில் புதியவை: இந்தியத் தத்துவமும் தமிழ்த் தத்துவ மரபும்!
சென்னை மாநகராட்சிக்குள்பட்ட சுமாா் 3,000 சாலைகளை சீரமைக்கும் பணி இந்த மாதத்தில் தொடங்கவுள்ளதாக மேயா் ஆா்.பிரியா தெரிவித்தாா்.
சென்னை மாநகராட்சிப் பகுதியில் பொதுமக்களின் குறைகளை நேரடியாகக் கேட்டறியும் வகையில் மேயா் ஆா்.பிரியா தலைமையில் வாா்டுகள்தோறும் சென்று குறைகளைக் கேட்கும் நிகழ்வை இந்து சமய அறநிலையத் துறை அமைச்சா் பி.கே.சேகா்பாபு வியாழக்கிழமை அயனாவரத்தில் தொடங்கி வைத்தாா். பின்னா், மயிலப்பா தெரு, பங்காரு தெரு, பில்கிங்டன் சாலை வழியாக வீதி வீதியாகச் சென்று பொதுமக்களிடம் குறைகளைக் கேட்டறிந்தனா்.
இதையடுத்து மேயா் பிரியா செய்தியாளா்களிடம் கூறியதாவது: தெருவாரியாக, வீடு வாரியாக ஆய்வு செய்து பொதுமக்களின் கோரிக்கைகள் கேட்கப்படவுள்ளது. தற்போது மேற்கொண்ட ஆய்வில், சாலையில் நீண்ட நாள்கள் நிற்கும் வாகனங்களை அகற்றவும், நடைபாதையில் உள்ள மின்வாரிய பெட்டிகளைச் சீரமைக்கவும், நீண்ட நாள் தேங்கி காணப்படும் குப்பைகளை அகற்றுமாறும் பொதுமக்கள் கோரிக்கை வைத்தனா்.
சொத்துவரி குறைவு: இதுபோன்ற சிறு சிறு குறைகளை உடனே சரிசெய்ய அதிகாரிகளுக்கு அறிவுறுத்தப்பட்டுள்ளது. அதுபோல், அயனாவரத்தில் உள்ள அங்கன்வாடியின் குறைபாடுகள் குறித்து கேட்டறியப்பட்டது. சென்னை மாநகராட்சியைப் பொறுத்தவரை கடந்த 10 ஆண்டுகளாக வரி விதிக்கப்படவில்லை. 2022-ஆம் ஆண்டு சொத்து வரி உயா்த்தப்பட்டது. பிற மாநிலங்களை ஒப்பிடும்போது தமிழ்நாட்டில் குறைந்த அளவில் வரி வசூலிக்கப்படுகிறது. மத்திய அரசு வரி வசூலிப்பது குறித்த வழிகாட்டு நெறிமுறைகளை வழங்கியுள்ளது. அதன்படி, குறைந்தபட்ச அளவில்தான் தற்போது வரி வசூலிக்கப்பட்டு வருகிறது.
சமீபத்திய பருவமழை காரணமாக மாநகராட்சி பகுதிகளில் உள்ள சாலைகள் சேதமடைந்துள்ளன. தற்போது 5,000 பகுதிகளை ஆய்வு மேற்கொண்டு, அதில் சுமாா் 3,000 பகுதிகளில் உள்ள சாலைப் பள்ளங்களை சீரமைக்கவும், அதிகம் சேதமடைந்த சாலைகளை புதிதாக போடவும் அறிவுறுத்தப்பட்டுள்ளது. நடப்பு மாதம் முதல் சாலைகளை சீரமைக்கும் பணியை தீவிரமாக மேற்கொள்ள நடவடிக்கை எடுக்கப்படும் என்றாா் அவா்.
