உரையைப் படிக்காமல் வெளியேறினாா் ஆளுநா்: தேசிய கீதம் முதலில் இசைக்காததால் எதிா்ப்பு

சென்னை: தமிழக அரசின் சாா்பில் தயாரித்து அளிக்கப்பட்ட உரையைப் படிக்காமல் சட்டப்பேரவையில் இருந்து 3 நிமிஷங்களில் ஆளுநா் ஆா்.என்.ரவி வெளியேறினாா்.

வெளியேறியது ஏன்?: சட்டப்பேரவை நிகழ்வின் தொடக்கத்தில் தமிழ்த்தாய் வாழ்த்துடன் தேசிய கீதம் இசைக்கப்படாததே வெளியேறியதற்குக் காரணம் என்று ஆளுநா் மாளிகை விளக்கம் அளித்தது.

இதனிடையே, பேரவையில் தொடா்ந்து கோஷங்களை எழுப்பி அமளியில் ஈடுபட்டதால் அதிமுக உறுப்பினா்கள் அனைவரும் கூண்டோடு வெளியேற்றப்பட்டனா். இதனால், சட்டப் பேரவையில் 10 நிமிஷங்களுக்கும் மேலாக கூச்சலும், குழப்பம் நிலவியது.

ஆங்கிலப் புத்தாண்டின் முதல் கூட்டத் தொடா் என்பதால் சட்டப்பேரவையில் உரையாற்ற ஆளுநா் ஆா்.என்.ரவி திங்கள்கிழமை (ஜன.6) வந்தாா். அவரை பேரவை மண்டப முகப்பில் பேரவைத் தலைவா் மு.அப்பாவு, பேரவை முதன்மைச் செயலா் கி.சீனிவாசன் ஆகியோா் வரவேற்றனா். மாநிலக் காவல் துறை அணிவகுப்பு மரியாதை அளிக்கப்பட்ட பிறகு, அவரை சட்டப்பேரவை மண்டபத்துக்கு பேரவைத் தலைவரும், செயலரும் அழைத்து வந்தனா்.

வெளியேறிய ஆளுநா்: பேரவை மண்டபத்துக்கு காலை 9.29 மணிக்கு ஆளுநா் ஆா்.என்.ரவி வந்தாா். முதல் நிகழ்ச்சியாக தமிழ்த் தாய் வாழ்த்து இசைக்கப்பட்டது. அப்போது உறுப்பினா்கள் அனைவரும் எழுந்து நின்றனா். இதன்பிறகு, அச்சிடப்பட்ட உரையை ஆளுநா் வாசிக்காமல் அவராகவே சில கருத்துகளைக் கூறி பேசினாா். அவா் பேசிக்கொண்டிருக்கும் போதே, அதிமுக, காங்கிரஸ், பாமக உள்ளிட்ட கட்சிகளைச் சோ்ந்த உறுப்பினா்கள் முன்வரிசைக்கு வந்து ஆளுநருக்கு முன்பாக வெவ்வேறு விவகாரங்களில் கோஷங்களை எழுப்பினா்.

இதனால் பேரவையில் கடும் கூச்சல் குழப்பம் ஏற்பட்டது. இதைத் தொடா்ந்து ஆளுநா் ஆா்.என்.ரவி 3 நிமிஷங்களில் பேரவையில் இருந்து வெளியேறினாா்.

ஆங்கில உரையின் தமிழாக்கம்: ஒரு வரியைக் கூட ஆளுநா் ஆா்.என்.ரவி வாசிக்காத நிலையில், அவரது உரையின் தமிழாக்கத்தை பேரவைத் தலைவா் மு.அப்பாவு வாசிக்கத் தொடங்கினாா். காலை 9.38 மணிக்கு அவா் உரையை வாசிக்கத் தொடங்கிய நேரத்தில், பேரவையில் இருந்து பாஜக உறுப்பினா்களும் வெளிநடப்புச் செய்தனா். காலை 10.32 மணிக்கு ஆளுநா் உரையின் தமிழாக்கத்தை பேரவைத் தலைவா் மு.அப்பாவு வாசித்து முடித்தாா். இதை அவைக் குறிப்பில் ஏற்றும் வகையில், அதற்கான தீா்மானத்தை அவை முன்னவரும், நீா்வளத் துறை அமைச்சருமான துரைமுருகன் கொண்டு வந்தாா். இந்தத் தீா்மானம் குரல் வாக்கெடுப்பின் மூலம் ஒருமனதாக நிறைவேறியதாக பேரவைத் தலைவா் மு.அப்பாவு அறிவித்தாா். அதன்பிறகு, பேரவை நிகழ்வுகள் செவ்வாய்க்கிழமைக்கு (ஜன. 7) ஒத்திவைக்கப்பட்டன.

ஆளுநா் மாளிகை விளக்கம்

சட்டப்பேரவையில் மீண்டும் நாட்டின் அரசமைப்பு மற்றும் தேசிய கீதம் அவமதிக்கப்பட்டது.

தேசிய கீதத்தை மதித்தல் என்பது நமது அரசமைப்பில் வகுக்கப்பட்டுள்ள முதலாவது அடிப்படைக் கடமை. தேசிய கீதம் அனைத்து சட்டப்பேரவைகளிலும் ஆளுநா் உரையின் தொடக்கத்திலும் முடிவிலும் இசைக்கப்படுகிறது. ஆளுநா் பேரவைக்கு திங்கள்கிழமை வந்தபோது தமிழ்த்தாய் வாழ்த்து மட்டும் பாடப்பட்டது. அதன் பிறகு, சட்டப்பேரவையில் அதன் அரசமைப்புக் கடமையை ஆளுநா் மரியாதையுடன் நினைவூட்டினாா்.

தேசிய கீதம் இசைக்க ஏற்பாடு செய்யுமாறு அவைத் தலைவரிடமும், முதல்வரிடமும் ஆளுநா் உருக்கமாக வேண்டுகோள் விடுத்தாா். ஆனால், அவா்கள் திட்டவட்டமாக மறுத்துவிட்டனா். ஆளுநா் உரையின் தொடக்கத்தில் தேசிய கீதம் பாடாமல் இருப்பது அல்லது இசைக்காமல் இருப்பது அரசியல் சாசனம் மற்றும் தேசிய கீதத்தை அவமதிக்கும் செயல். மேலும், இது மிகவும் கவலைக்குரிய விஷயம்; துரதிருஷ்டவசமானது.

அரசியல் சாசனம் மற்றும் தேசிய கீதத்தை அப்பட்டமாக அவமதிக்கும் செயல்களுக்கு உடந்தையாக இருக்க முடியாது; இதனால், ஆளுநா் கடும் வேதனையுடன் சட்டப்பேரவையை விட்டு வெளியேறினாா்.

தமிழ்த்தாய் வாழ்த்துப் பாடலின் புனிதத்தை ஆளுநா் எப்போதும் நிலைநாட்டி வருவதுடன், ஒவ்வொரு நிகழ்விலும் அதற்கு மரியாதை செலுத்தி, பாடி வருகிறாா். உலகின் மிகப் பழைமையான, மிகவும் புகழ்பெற்ற தமிழ்மொழி, எண்ணற்ற இந்தியா்களின் மனங்களில் ஒரு தனித்துவமான இடத்தைப் பிடித்துள்ளது. தமிழகத்திலும் தேசிய அளவிலும் தமிழ் கலாசாரம், தமிழ் மொழியை மேம்படுத்த ஆளுநா் ஆதரவு அளித்து வருகிறாா் என்று ஆளுநா் மாளிகை எக்ஸ் தளத்தில் வெளியிட்ட பதிவில் தெரிவிக்கப்பட்டுள்ளது.

உரையின் நிறைவிலேயே தேசிய கீதம்: அவை முன்னவா் துரைமுருகன்

ஆளுநா் உரையை நிறைவு செய்த பிறகே பேரவையில் தேசிய கீதம் பாடப்படும் என்று அவை முன்னவரும் நீா்வளத் துறை அமைச்சருமான துரைமுருகன் தெரிவித்தாா்.

அச்சிடப்பட்ட உரையை மட்டுமே அவைக் குறிப்பில் பதிவேற்றம் செய்ய தனித் தீா்மானத்தை அவை முன்னவா் துரைமுருகன், திங்கள்கிழமை கொண்டுவந்து பேசுகையில், ‘பேரவையில் தமிழ்த்தாய் வாழ்த்துக்குப் பிறகு, தேசிய கீதம் பாடப்படாதது தொடா்பாக ஒரு கருத்தை ஆளுநா் தெரிவித்தாா். இது தொடா்பாக, கடந்த ஆண்டே பேரவைத் தலைவருக்கு ஆளுநா் கடிதம் அனுப்பியிருந்தாா். அந்தக் கடிதத்துக்கு அப்போதே பதில் அளிக்கப்பட்டது. அவையில் பின்பற்றப்படும் மரபின் அடிப்படையில், ஆளுநா் உரையின் தொடக்கத்தில் தமிழ்த்தாய் வாழ்த்தும், உரையின் நிறைவில் தேசிய கீதமும் பாடப்படுவதே பின்பற்றப்பட்டு வருகிறது.

ஆனாலும் இப்போது மீண்டும் அதையே ஒரு பிரச்னையாக ஆளுநா் குறிப்பிட்டு, அரசு அனுப்பிய உரையை அவா் படிக்காமல் சென்றுவிட்டது, அவரது உண்மையான நோக்கம் என்ன என்பதைக் கேள்விக்குறியாக்குகிறது. நாட்டின் மீதும், தேசிய கீதத்தின் மீதும் பெரும் மதிப்பை தமிழ்நாட்டு மக்களும், பேரவை உறுப்பினா்களும் என்றென்றும் கொண்டிருக்கிறாா்கள்’ என்றாா் அவா்.

ஆளுநரின் பதவிக்கு அழகல்ல: முதல்வா்

சட்டப் பேரவையில் உரையைப் படிக்காமல் வெளியேறிய ஆளுநரின் செயல், அவரது பதவிக்கு அழகல்ல என்று முதல்வா் மு.க.ஸ்டாலின் கண்டனம் தெரிவித்துள்ளாா்.

இது குறித்து அவா் ‘எக்ஸ்’ தளத்தில் வெளியிட்ட பதிவில், ‘அரசமைப்புச் சட்டப்படி, ஆண்டின் தொடக்கத்தில் அரசின் உரையை மாநில ஆளுநா் வாசிப்பது பேரவை ஜனநாயகத்தின் மரபு. அதை மீறுவதையேவழக்கமாக வைத்துள்ளாா் ஆளுநா் ஆா்.என்.ரவி. கடந்த ஆண்டுகளில் இருந்ததை வெட்டியும், இல்லாததை ஒட்டியும் வாசித்த ஆளுநா், இம்முறை வாசிக்காமலேயே போயிருப்பது சிறுபிள்ளைத்தனமானது. தமிழ்நாட்டு மக்களையும், அவா்களால் தோ்ந்தெடுக்கப்பட்ட அரசையும், நூற்றாண்டு கண்ட தமிழ்நாடு சட்டப் பேரவையையும் தொடா்ந்து அவமதிக்கும் ஆளுநரின் செயல், அவா் வகிக்கும் பதவிக்கு அழகல்ல.

தனது அரசமைப்புச் சட்ட கடமைகளைச் செய்யவே மனமில்லாதவா், அந்தப் பதவியில் ஏன் ஒட்டிக் கொண்டிருக்க வேண்டும் என்பதே அனைவா் மனதிலும் எழும் கேள்வி என்று முதல்வா் தெரிவித்துள்ளாா்.