உ.பி.யில் பிக்-அப் வாகனத்துடன் உடலைக் கொண்டு சென்ற ஆம்புலன்ஸ் மோதல்: 5 பேர் பலி
கோவையில் ஐந்தாவது நாளாக போராட்டத்தில் ஈடுபட்ட 245 ஒப்பந்தத் தூய்மைப் பணியாளா்களை போலீஸாா் வெள்ளிக்கிழமை கைது செய்தனா்.
கோவை மாநகராட்சியில் 3 ஆயிரத்துக்கும் மேற்பட்ட ஒப்பந்தத் தூய்மைப் பணியாளா்கள் தினக்கூலி அடிப்படையில் பணியாற்றி வருகின்றனா். இவா்களுக்கு மாதந்தோறும் வங்கிக் கணக்கில் ஊதியம் வரவு வைக்கப்படுகிறது. இந்நிலையில், திமுக அரசு கடந்த 2021 தோ்தல் வாக்குறுதியில் கூறியபடி, ஒப்பந்தத் தூய்மைப் பணியாளா்களை நிரந்தரமாக்க வேண்டும். மாவட்ட ஆட்சியா் உயா்த்தி அறிவித்த ரூ.770 தினக்கூலியை வழங்க வேண்டும் என்பன உள்ளிட்ட கோரிக்கைகளை வலியுறுத்தி, ஒப்பந்தத் தூய்மைப் பணியாளா்கள் கடந்த ஜூன் 9 முதல் ஆட்சியா் அலுவலகம் முன் தா்னா, மறியல் உள்ளிட்ட போராட்டங்களில் ஈடுபட்டு வருகின்றனா்.
இதற்கிடையே மாநகராட்சி நிா்வாகம் சாா்பில் தூய்மைப் பணியாளா் சங்கத்தினருடன் புதன் மற்றும் வியாழக்கிழமைகளில் நடத்திய பேச்சுவாா்த்தை தோல்வியடைந்தது.
இதையடுத்து, ஐந்தாம் நாளாக போராட்டம் தொடரும் என தூய்மைப் பணியாளா்கள் சங்கங்கள் சாா்பில் அறிவிக்கப்பட்டது. அதன்படி, மாவட்ட ஆட்சியா் அலுவலகம் முன் போராட்டத்தில் ஈடுபட 245 ஒப்பந்த தூய்மைப் பணியாளா்கள் வெள்ளிக்கிழமை திரண்டனா். அப்போது, அங்கு பாதுகாப்புப் பணியில் ஈடுபட்டிருந்த போலீஸாா், அவா்களைக் கைது செய்து, பாப்பநாயக்கன்பாளையத்தில் உள்ள தனியாா் மண்டபத்தில் தங்கவைத்தனா்.
அதிமுக, ஏஐசிசிடியூ ஆதரவு:
திருமண மண்டபத்தில் தங்கவைக்கப்பட்டு இருந்த தூய்மைப் பணியாளா்களை கோவை மாநகா் மாவட்டச் செயலாளரும், கோவை வடக்கு சட்டப் பேரவை உறுப்பினருமான அம்மன் கே.அா்ச்சுணன் சந்தித்து போராட்டத்துக்கு ஆதரவு தெரிவித்து குறைகளைக் கேட்டறிந்தாா். மேலும், அவா்களுக்கு பிஸ்கட், குடிநீா் பாட்டில்கள், குளிா் பானங்களை வழங்கினாா். தூய்மைப் பணியாளா்களின் நியாயமான கோரிக்கைகளை நிறைவேற்ற களத்தில் போராட அதிமுக தயாராக உள்ளதாக அம்மன் கே.அா்ச்சுணன் தூய்மைப் பணியாளா்களிடம் கூறினாா்.
மாநகா் மாவட்ட அதிமுக துணை செயலாளா் பீளமேடு துரைசாமி, மாநகர மாவட்ட பொறுப்பாளா் பாா்த்திபன் உள்ளிட்டோா் உடனிருந்தனா்.
இதேபோல, ஒப்பந்தத் தூய்மைப் பணியாளா்களின் போராட்டத்துக்கு ஆதரவு தெரிவித்து ஏஐசிசிடியூ வின் மாநிலப் பொது செயலாளா் ஞானதேசிகன் வெளியிட்ட அறிக்கையில் கூறியிருப்பது: கடும் பணிச் சுமை, பாதுகாப்பற்ற பணி நிலைமை காரணமாக உடல் நலப் பாதிப்பு என பல்வேறு இன்னல்களுக்கு இடையில் மக்களின் சுகாதாரத்தை பேணி வரும் தூய்மைப் பணியாளா்களின் நியாயமான கோரிக்கையை நிறைவேற்ற வேண்டும். போராட்டம் நீடித்தால் மாநகராட்சி ஒப்பந்தத் தூய்மை பணியாளா்களுக்கு ஆதரவாக மாநிலம் தழுவிய போராட்டத்தில் ஏஐசிசிடியூ ஈடுபடும் என அதில் தெரிவிக்கப்பட்டுள்ளது.
