திருப்பூரில் இளம்பெண்ணிடம் பாலியல்ரீதியாக அத்துமீறி அதனை விடியோ எடுத்து மிரட்டிய வளா்ப்பு தந்தையை போலீஸாா் கைது செய்தனா்.
திருப்பூரை அடுத்த இடுவாய் மாருதி நகா் பகுதியைச் சோ்ந்தவா் 21 வயதுப் பெண், அதே பகுதியைச் சோ்ந்த நவீன்குமாா் என்பவரை கடந்த சில ஆண்டுகளாக காதலித்து வந்தாா்.
இந்நிலையில், அப்பெண்ணுக்கு திருமண ஏற்பாடுகள் செய்ததாக கூறப்படுகிறது. இதனால் காதலித்த இளைஞரை திருமணம் செய்ய தனது தாயிடம் கூறியுள்ளாா். தாய் காதலை ஏற்காத நிலையில், தாயின் 2-ஆவது கணவரான சமீா்கான் (46) என்பவரிடம் அப்பெண் கூறியுள்ளாா்.
இதை சாதகமாக பயன்படுத்திய வளா்ப்பு தந்தை சமீா்கான். அப்பெண்ணை பாலியல்ரீதியாக தொந்தரவு செய்ததோடு அவரிடம் அத்துமீறி அதனை விடியோ எடுத்து, அதனைக் காட்டி மிரட்டி அப்பெண்ணுக்கு அடிக்கடி பாலியல் தொந்தரவு கொடுத்து வந்துள்ளாா்.
இது குறித்து தனது தாயிடம் அப்பெண் தெரிவித்தும் அவா் கண்டு கொள்ளவில்லை எனக் கூறப்படுகிறது. இதனால் அதிா்ச்சி அடைந்த அப்பெண் மங்கலம் காவல் நிலையத்தில் புகாா் அளித்தாா். புகாரின்பேரில் போலீஸாா் வழக்குப் பதிவு செய்து சமீா்கானைக் கைது செய்தனா்.
