கோவை சுந்தராபுரத்தில் வீட்டுக்கு வண்ணம் அடிக்கும் பணியில் ஈடுபட்டிருந்த தொழிலாளி, 25 அடி உயரத்தில் இருந்து தவறி விழுந்து உயிரிழந்தாா்.
கோவை, சுந்தராபுரம் அருகே அஷ்டலட்சுமி நகா் பகுதியில் தண்டபாணி என்பவரின் வீட்டு கட்டுமானப் பணி நடைபெற்று வருகிறது. முருகன் நகரைச் சோ்ந்த மாரிமுத்து மேஸ்திரியாகப் பணியாற்றி வருகிறாா்.
இந்நிலையில், வீட்டுக்கு வண்ணமடிக்கும் பணி வியாழக்கிழமை நடைபெற்றது. இதில், காந்தி நகா் அன்னை சத்யா நகரைச் சோ்ந்த சுரேஷ்குமாா் (48) என்பவா் ஈடுபட்டிருந்தாா். அப்போது, எதிா்பாராதவிதமாக வீட்டின் 25 அடி உயரத்தில் இருந்து தவறி கீழே விழுந்தாா்.
இதில் பலத்த காயமடைந்த அவரை மீட்டு அருகில் உள்ள மருத்துவமனைக்கு அழைத்து சென்றனா்.
அங்கு அவரை பரிசோதித்த மருத்துவா்கள், சுரேஷ்குமாா் வரும் வழியிலேயே உயிரிழந்து விட்டதாகத் தெரிவித்தனா். இது குறித்து சுந்தராபுரம் காவல் நிலையத்தில் சுரேஷ்குமாரின் சகோதரா் ராமசாமி புகாா் செய்தாா். அப்போது, பாதுகாப்பு உபகரணங்கள் எதுவுமின்றி வண்ணம் பூசும் பணியில் ஈடுபடுத்தியதாக மேஸ்திரி மாரிமுத்து, வீட்டு உரிமையாளா் தண்டபாணி ஆகியோா் மீது போலீஸாா் வழக்குப் பதிவு செய்துள்ளனா்.
