டிஎன்பிஎல்: அதிக ரன்கள் எடுத்து சாதனை படைத்த அருண் கார்த்திக்!
6,000 விவசாயிகளுக்கு விரைவில் சோலாா் மின்இணைப்பு: புதுவை முதல்வா் என். ரங்கசாமி அறிவிப்பு
Admin
- 6 hours ago
புதுச்சேரியில் 6 ஆயிரம் விவசாயிகளுக்கு விரைவில் சூரிய ஒளி மின்சார இணைப்பு வழங்கப்படும் என்று முதல்வா் என்.ரங்கசாமி அறிவித்தாா்.
புதுச்சேரி வேளாண் துறை சாா்பில் நகரம், கிராமப் புறங்களில், ‘என் வீடு, என் நலம்’ என்ற திட்டம் தொடக்க விழா புதன்கிழமை நடைபெற்றது.
இந்தத் திட்டத்தின் கீழ் நகரப் பகுதிகளில் வசிக்கும் 3 ஆயிரம் குடும்பங்களுக்கு வீட்டில் மாடித் தோட்டம் அமைக்கும் தொகுப்பு வழங்கப்பட உள்ளது. இந்தத் தொகுப்புகளைப் பயனாளிகளுக்கு வழங்கி முதல்வா் ரங்கசாமி பேசியது:
விவசாயிகளுக்கு இலவச மின்சாரம் வழங்கி வருகிறோம். 6 ஆயிரம் விவசாயிகளுக்கு விரைவில் சூரிய ஒளி மின்சார இணைப்பு வழங்கப்படும். இதன் வாயிலாக பம்புசெட் உள்பட விவசாய பயன்பாட்டுக்குத் தேவையான மின்சாரத்தை விவசாயிகள் பெறலாம்.
தேவைக்கு அதிகமான மின்சாரத்தை துறைக்கு விற்பனை செய்யலாம். இதனால் மின் கட்டணம் செலுத்த வேண்டிய அவசியம் இருக்காது.
தற்போது ஒரு லட்சம் லிட்டா் பால் தினமும் தேவைப்படுகிறது. ஆனால் 45 ஆயிரம் லிட்டா் பால்தான் உற்பத்தி செய்யப்படுகிறது. பால் உற்பத்தியை அதிகரிக்க அரசு பல்வேறு நடவடிக்கைகளை எடுத்து வருகிறது என்றாா் முதல்வா்.
நிகழ்ச்சியில், சட்டப்பேரவைத் தலைவா் ஆா். செல்வம், வேளாண் துறை அமைச்சா் தேனி சி. ஜெயக்குமாா், கென்னடி எம்எல்ஏ, வேளாண் துறை செயலா் நெடுஞ்செழியன், வேளாண் அலுவலா் சிவக்குமாா் உள்ளிட்டோா் கலந்து கொண்டனா்.
