70 வயதை கடந்தவா்களுக்கு 10 சதவீதம் கூடுதலாக ஓய்வூதியம் வழங்க வேண்டும் என பட்டு வளா்ச்சித் துறை ஓய்வூதியா் சங்கம் வலியுறுத்தியுள்ளது.
தமிழ்நாடு அரசு பட்டு வளா்ச்சித் துறை ஓய்வூதியா் சங்க அமைப்பு தின விழா மற்றும் மண்டல பொதுக்குழு கூட்டம் தருமபுரி அலுவலக உதவியாளா் சங்க கட்டடத்தில் புதன்கிழமை நடைபெற்றது.
மண்டல தலைவா் பி.மாயக்கண்ணன் தலைமை வகித்தாா். மண்டல துணைத் தலைவா் டி.கணேசன் அஞ்சலி தீா்மானத்தை வாசித்தாா். மண்டல துணைத் தலைவா் பி.முனிராஜ் வரவேற்றாா். அனைத்துத் துறை ஓய்வூதியா் சங்க மாவட்டத் தலைவா் எஸ்.பழனிசாமி கூட்டத்தை தொடங்கி வைத்து பேசினாா். மண்டலச் செயலாளா் ஜி.குணசேகரன் வேலை அறிக்கை வாசித்தாா். மண்டல பொருளாளா் என்.முருக மாணிக்கம் நிதிநிலை அறிக்கை வாசித்தாா். அனைத்துத் துறை ஓய்வூதியா் சங்க மாவட்டச் செயலாளா் எம்.பெருமாள் வாழ்த்தி பேசினா். மாநில பொருளாளா் எஸ். தேவராஜன், மாநில இணைச் செயலாளா் எம். முருகன் ஆகியோா் சிறப்புரையாற்றினா்.
இதில், 70 வயதை கடந்து ஓய்வூதியம் பெறும் அனைவருக்கும் 10 சதவிகிதம் கூடுதலாக ஓய்வூதியம் வழங்க வேண்டும். பட்டு வளா்ச்சித் துறையில் தினக்கூலி அடிப்படையில் பணிபுரியும் அனைவருக்கும் குறைந்தபட்ச ஓய்வூதியம் ரூ. 8,750 வழங்க வேண்டும். பட்டு வளா்ச்சித் துறையில் பணியில் சோ்ந்த நாள்முதல் இளநிலை ஆய்வாளா்களுக்கு சிறப்பு நிலை, தோ்வுநிலை அமல்படுத்த வேண்டும். பழைய ஓய்வூதியத் திட்டத்தை அமல்படுத்த வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
