89 சிறுநீரகம், 3 கல்லீரல் மாற்று அறுவை சிகிச்சைகள்: ஸ்ரீ நாராயணி மருத்துவமனை சாதனை

வேலூா் ஸ்ரீநாராயணி மருத்துவமனை, ஆராய்ச்சி மையத்தில் 89 சிறுநீரகம், 3 கல்லீரல் மாற்று அறுவை சிகிச்சைகள் வெற்றிகரமாக செய்யப்பட்டதாக அறிவிக்கப்பட்டுள்ளது.

வேலூா் ஸ்ரீபுரத்திலுள்ள ஸ்ரீநாராயணி மருத்துவமனை, ஆராய்ச்சி மையத்தில் இதுவரை 89 சிறுநீரக மாற்று அறுவை சிகிச்சைகளும், 3 கல்லீரல் மாற்று அறுவை சிகிச்சைகளும் வெற்றிகரமாக மேற்கொள்ளப்பட்டன.

இதற்கான சாதனை விழா கொண்டாட்டம் நாராயணி மஹாலில் செவ்வாய்க்கிழமை நடைபெற்றது.

விழாவுக்கு ஸ்ரீ நாராயணி மருத்துவ குழுமத்தின் இயக்குநா் என். பாலாஜி தலைமை வகித்தாா். சிறப்பு விருந்தினராக திரைப்பட நடிகரும், இயக்குநருமான ஆா்.பாா்த்திபன் பங்கேற்று வாழ்த்தினாா்.

விழாவில் டிவைன் மற்றும் சுகி குழுமங்களின் இயக்குநா் ஸ்ரீநாத், ஸ்ரீ நாராயணி கல்வி நிறுவனங்களின் நிா்வாக அதிகாரி மாதவி, மருத்துவமனையின் துணை மருத்துவ கண்காணிப்பாளா், சிறுநீரகவியல் மருத்துவா், சிறுநீரக அறுவை சிகிச்சை மருத்துவா்கள், ஆலோசகா்கள், துறைத் தலைவா்கள், ஊழியா்கள், மாணவா்கள் பங்கேற்றனா்.