Ajith Kumar Racing: `கார் பந்தயத்தில் அஜித் பங்கேற்கவில்லையா?’ - டீம் வெளியிட்ட திடீர் அறிக்கை

Ajith Kumar Racing

துபாயில் நடைபெறும் 24H கார் பந்தயத்தில் தனது அணியுடன் பங்கேற்கவிருந்த நடிகர் அஜித் குமார், கார் ஓட்டுவதிலிருந்து விலகுவதாக அறிவிக்கப்பட்டுள்ளது.

அஜித் குமார் கார் ரேசிங் அணியின் சார்பாக வெளியிடப்பட்டுள்ள அறிக்கையில், "கடந்த இரண்டு நாட்களாக அஜித் குமார் ரேசிங் அணியின் முக்கிய கமிட்டி சமீபத்தில், 24H துபாய் பந்தயத்துக்கு தயாராகி வந்த அஜித் குமாருக்கு ஏற்பட்ட விபத்தின் தாக்கங்களை ஆராய்ந்து வந்தது.

இந்த 24H போட்டி அதிக திறனைக் கோருகிறது, அணியினர் இந்த சீசனில் வரவிருக்கும் சவால்களை சந்திப்பது குறித்து ஆலோசித்தோம். அணியின் உரிமையாளர் மற்றும் மைய பகுதியான அஜித் குமாரின் உடல்நலமும் மற்றும் அணியின் ஒட்டுமொத்த வெற்றியும் முன்னுரிமைகளாக இருக்கின்றன." எனக் குறிப்பிட்டுள்ளனர்.

அணியினரின் ஆழ்ந்த ஆலோசனைக்குப் பிறகு அஜித் தன்னலம் பாராமல், 'அஜித் குமார் ரேசிங்' அணி சார்பாக வரவிருக்கும் ஒரு போட்டியில் கலந்துகொள்ளவில்லை என்ற முடிவை எடுத்துள்ளார்.” எனக் குறிப்பிட்டுள்ளது.

தனித்துவமான ஒரு முடிவை அஜித் எடுத்துள்ளார் என்கிறது அறிக்கை. "அஜித் குமார் இந்த நிகழ்வில் இரண்டு ரோல்களை மேற்கொள்ளவுள்ளார். போர்ஷ்சே 992 கப் கார் பந்தயத்தில் அணி உரிமையாளராகவும், போர்ஷ்சே கேமேன் ஜிடி4 பந்தயத்தில் ஓட்டுநராகவும் பங்கேற்கவுள்ளார் எனக் குறிப்பிடப்பட்டுள்ளது. அஜித் குமாரின் இந்த முடிவை 24H துபாய் ரேஸிங் சீரீஸ் நிர்வாகமும் ஏற்றுள்ளது.