Aus vs Ind: `அஸ்வின், ஜடேஜாவை உட்காரவைத்து நிதிஷ் ரெட்டியை இறக்குவதா?' - கவாஸ்கர் கேள்வி

பார்டர் கவாஸ்கர் டிராபி (BGT) 2024-25 தொடர் ஆஸ்திரேலியாவில் இன்று தொடங்கியிருக்கிறது. பெர்த் மைதானத்தில் இன்று தொடங்கிய ஆஸ்திரேலியாவுக்கெதிரான முதல் டெஸ்டில் இந்திய அணியின் சீனியர் ஆல்ரவுண்டர் அஷ்வின் மற்றும் ஜடேஜா பென்ச்சில் அமரவைக்கப்பட்டனர். இந்த முடிவு ரசிகர்களுக்குமே அதிருப்தியை ஏற்படுத்தியிருக்கிறது.

அதேசமயம், வாஷிங்டன் சுந்தர் மற்றும் நிதிஷ் குமார் ரெட்டி ஆகியோர் பிளேயிங் லெவனில் ஆல்ரவுண்டர் ஸ்லாட்டில் களமிறக்கப்பட்டனர். மேலும், இந்த டெஸ்ட் மூலம் வேகப்பந்துவீச்சாளராக முதன்முறையாக சர்வதேச கிரிக்கெட்டில் ஹர்ஷித் ராணா அறிமுகமாகியிருக்கிறார். இந்த நிலையில், டெஸ்ட் கிரிக்கெட்டில் முதன்முறையாக அறிமுகமாகியிருக்கும் நிதிஷ் குமார் ரெட்டியின் தேர்வு குறித்து முன்னாள் இந்திய வீரர் கவாஸ்கர் கேள்வியெழுப்பியிருக்கிறார்.

ஆட்டத்தின் வர்ணனையின்போது நேரலையில் பேசிய கவாஸ்கர், ``அஷ்வின் மற்றும் ஜடேஜா விளையாடாதது ஆச்சர்யமாக இருக்கிறது. டெஸ்ட் போட்டிகளில் அவர்கள் இருவரும் 900 விக்கெட்டுகளை வீழ்த்தியிருக்கின்றனர். மேலும், இவர்கள் இந்தியா அல்லது துணைக் கண்டத்தின் சூழலில் மட்டும் ஆடும் ஆடக்கூடிய பந்துவீச்சாளர்கள் அல்ல. மிகவும் தந்திரமாகப் பந்துவீசக்கூடியவர்கள், அனுபவம் வாய்ந்தவர்கள். அவர்களால் விக்கெட் எடுக்க முடியவில்லையென்றால், தந்திரமாகப் பந்துவீசி ரன்களைக் கட்டுப்படுத்த முடியும்.

ஆஸ்திரேலியாவில் பெரிய பவுண்டரி லைன்கள், எனவே இவர்களுடன் செல்வீர்கள் என்று நினைத்தேன். ஆனால், புதிய நிர்வாகம் புதிய சிந்தனையாக நிதிஷ் குமார் ரெட்டியுடன் சென்றிருக்கிறது. இதில் இந்தத் தவறும் இல்லை. ஆனால், டெஸ்ட் போட்டிக்கு அவர் தயாராக இருக்கிறாரா?" என்று கேள்வியெழுப்பினார்.

ஆஸ்திரேலியாவுக்கெதிரான முதல் டெஸ்டில் அஸ்வின், ஜடேஜா இருவருமே இடம்பெறாதது குறித்து உங்கள் கருத்தை கமெண்டில் பதிவிடுங்கள்!

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/MaperumSabaithanil