BB Tamil 8 : `மஞ்சரி அவரைதான் பட்டுனு சொன்னாங்க..!' - மஞ்சரி ஃபேமிலி எக்ஸ்க்ளூசிவ்

பிக் பாஸ் வீட்டில் தற்போது ஃபிரீஸ் டாஸ்க் நடைபெற்றுக் கொண்டிருக்கிறது.

இந்த டாஸ்க்கில் அனைத்துப் போட்டியாளர்களின் குடும்பத்தினர் வந்து சந்திப்பதோடு மற்ற போட்டியாளர்களுடனான கருத்து முரண்களை தெரிவிக்கிறார்கள். அந்த வகையில் கடந்த திங்கட்கிழமை எபிசோடில் மஞ்சரியின் குடும்பத்தினர் பிக் பாஸ் வீட்டிற்குள் வந்திருந்தார்கள். வீட்டிற்குள் அருணுடனும், அன்ஷித்தவுடனுமான முரண்களை அவர்கள் பேசினர். பிக் பாஸ் வீட்டிற்க்குச் சென்று திரும்பிய மஞ்சரியின் குடும்பத்தினரை சந்தித்து பேசினோம்.

நம்மிடையே பேசிய மஞ்சரியின் தாயார், `` வைல்டு கார்ட் போட்டியாளராக வீட்டுக்குள்ள மஞ்சரி போய் இப்போ நல்ல விளையாட்டை கொடுத்துட்டு இருக்கா. ரொம்ப சந்தோஷமாக இருக்கு. எல்லோரும் மஞ்சரி நல்ல விளையாடுறதாக சொல்றாங்க. சில சமயங்கள்ல கவலையும் கொடுக்குது. பிக் பாஸ் வீட்டுக்குள்ள போன சமயத்துல மஞ்சரியின் மகன் நிலவ் `டெவில் டாஸ்க்ல நான் உன்னைப் பார்த்து பயப்படல.

ஏன்னா நீ என் அம்மா!'னு சொல்லியிருப்பான். அது மாதிரிதான் என் மகள் மஞ்சரி. வீட்டுக்குள்ளையும் அதே மஞ்சரியாகதான் இருக்கிறாள். வீட்டுக்குள்ள இருக்கிறவங்க பல பெயரைக் கொடுக்கிறாங்க. ஆனால் என் மகள் மஞ்சரியாகவேதான் இருக்கிறாள் டாஸ்க் சமயத்துல மஞ்சரியை தனிமைப்படுத்தினாங்க. அந்த விஷயங்களால அவள் அழுதாள். அதுதான் வெளில எங்களுக்கு கவலையைக் கொடுத்தது." என்றார்.

இவரை தொடர்ந்து பேசிய மஞ்சரியின் தங்கை யாகவி, ``பிக் பாஸ் வீட்டுக்குள்ள போனதும் எங்களுக்கு மனதளவுல பாதிக்கப்பட்ட விஷயங்கள் பற்றிதான் கேள்வி கேட்டோம். நாங்க அருண் கிட்டையும், அன்ஷித்தா கிட்டையும் கேள்வி கேட்டோம். அவங்க பண்ணின செயல்கள் வருதத்திற்க்குரிய செயல்களாக இருந்தது. டாஸ்க் விஷயத்தை தாண்டி மஞ்சரியை நெகடிவ்வாக ப்ரோஜெக்ட் பண்ணினாங்க. மஞ்சரி அப்படி கிடையாதுனு எங்களுக்கு தெரியும். மற்ற போட்டியாளர்களெல்லாம் மஞ்சரியை இரண்டு வாரத்துல புரிஞ்சுகிட்டாங்க.

ஆனால் அருணும் அன்ஷித்தாவும் புரிஞ்சுக்காமல் ஒரே நிலையிலேயே இருந்தாங்க. மஞ்சரி ரொம்பவே ஃபன்னான நபர். அவளுடைய வட்டாரம் ரொம்பவே சின்னதுதான். அவளுடைய எண்ணத்துக்கு பொருந்தி இருகிறவர்களோடதான் நட்பாக இருப்பா. ஸ்கூல் டைம்ல இருந்தே எல்லா செயல்களில் நான்தான் ஃபர்ஸ்ட் வரணும்னு எதிர்பார்ப்பாள். இதுமட்டுமில்ல, நான் ஒரு விஷயத்தை அவ சரியாக சொல்லும்போது அதை மத்தவங்க ஏத்துக்கணும்னு நினைப்பாள். அப்படி இல்லைனா அதுகுறித்து காரணம் கேட்டு பேசுவாள். மஞ்சரிகிட்ட எந்த ஸ்டிரடெஜியும் இல்ல.

அதுனாலதான் அவ வீட்டுக்குள்ள இப்போ வரைக்கும் இருக்கா. டாஸ்க் சமயங்கள்ல ஸ்டிரடெஜி பயன்படுத்தலாம். ஆனால், பிக் பாஸ் வீட்டுல சர்வைவ் பண்றதுக்கு அது பயன்படாது. நம்ம என்னவாக இருக்கிறமோ அதுவாகவே இருந்தால்தான் விட்டுக்குள்ள சர்வைவ் பண்ண முடியும். மஞ்சரிக்கு கைதட்டல் பிடிக்கும். அது அவங்களுக்கு உத்வேகத்தையும் கொடுக்கும். திருமண வாழ்க்கைல பல சவால்களை மஞ்சரி சந்தித்திருக்கிறாள். அந்த பகுதி அவளுடைய வாழ்க்கையில கடினமாகதான் இருந்தது. அந்த விஷயத்துல இருந்து இப்போ மீண்டு வந்துட்டாள்.

மஞ்சரிக்கு நிலவ்வையும் பட்டுனுதான் கூப்பிடுவாள். அன்னைக்கு அவளுடைய பியூசர் பார்ட்டனரைதான் பட்டுனு கூப்பிட்டாங்க. இப்போ நிலவ் மஞ்சரியை ரொம்பவே மிஸ் பண்றான். அவனும் டிவில பார்த்துட்டு,'ஏன் அம்மா உள்ள இருக்க, வெளில வா'னு சொல்லுவான். " எனக் கூறி முடித்துக் கொண்டார்.