BB Tamil 9: "நான் சொல்றது உனக்கு புரியுதா? இல்லையா?"- திவாகருடன் மோதல்; கண் கலங்கிய விஜே பார்வதி

"கடந்த அக்டோபர் 5 ஆம் தேதி தொடங்கிய பிக் பாஸ் வீட்டில் மொத்தம் 20 பேர் பங்கேற்றிருந்தனர்.

இதில் நந்தினி, பிரவீன் காந்தி, அப்சரா ஆகியோர் வெளியேறி தற்போது 17 பேர் பிக் பாஸ் வீட்டில் போட்டியாளர்களாக இருக்கின்றனர்.

கனி திரு இந்த வாரத்தின் தலைவராகப் பதவியேற்றிருக்கிறார்.

இந்நிலையில் இன்றைய நாளுக்கான முதல் புரொமோ வெளியாகயிருந்தது.

அதில், ஜூஸ் டாஸ்க்கில் நடுவராக இருக்கும் விஜே பார்வதி மற்றும் திவாகரிடம் ஆதிரை கடுமையான வாக்குவாதத்தில் ஈடுபட்டிருந்தார்.

பிறகு கலையரசன் ஜூஸ் பாட்டில் வைத்திருந்த டேபிளைத் தள்ளிவிட்டு கோபப்பட்டார். "சட்டம் தவறாகப்போகும் போது வன்முறை வெடிக்கும்" என்று கனி, பார்வதியிடம் காட்டமாகச் சொல்ல பிக் பாஸ் வீடு கலவரமாகி இருந்தது.

இரண்டாவது புரொமோவில் எப்போதும் ஒன்றாக இருக்கும் விஜே பார்வதியும், திவாகரும் மோதிக்கொண்டார்கள். "என்னால பண்ண முடியாது. உனக்காக என்ன பேசிருக்கேன்னு எனக்குத் தெரியும். உனக்கு அவுங்க எக்ஸ்ட்ராவா சாப்பாடு கொடுக்குறாங்க. நான் இதைப் பண்ணல" என்று பார்வதி கடுமையாகக் கோபப்பட்டு திவாகரைப் பார்த்து கத்தியிருந்தார்.

திவாகரும், "உனக்கு அவுங்க சாப்பாடு கொடுக்கலையா? ஓவரா சீன் போடாத" என்று பதிலுக்கு திவாகரும் கோபப்பட்டு கத்தினார்.

இந்நிலையில் தற்போது மூன்றாவது புரொமோ வெளியாகி இருக்கிறது. அதில், "நான் சொல்றது உனக்கு புரியுதா? இல்லையா? புரிஞ்சுக்கவே மாட்டிங்குறிங்க. நான் யாரை நம்பியும் கிடையாது.

என் கேம் எனக்கு விளையாட தெரியும். ஒரு சிலர் பண்ற விஷயம்தான் எனக்கு கடுப்பா இருக்கு. முதல் வாரத்தில் இருந்து இதைத்தான் பண்ணிட்டு இருக்காங்க" என்று கண்கலங்குகிறார் பார்வதி.