நியூவெல்ஸ் ஓல்ட் பாய்ஸ் திடலில் மெஸ்ஸியின் பெயர்! சொந்த ஊரின் கிளப்புக்கு திரும்...
Cyber Crime: அமிதாப் பச்சனின் விழிப்புணர்வு வாய்ஸ் மெசேஜ்; நெட்டிசன்களின் எதிர்ப்பால் நீக்கம்
Admin
- 5 hours ago
நாடு முழுவதும் இணையத்தள குற்றங்கள் தொடர்ந்து அதிகரித்து வருகின்றன. முதியவர்கள் மற்றும் பெண்களை டிஜிட்டல் முறையில் கைது செய்து அவர்களிடமிருந்து பணத்தைப் பறிக்கும் செயல்கள் அதிக அளவில் நடக்கின்றன.
இது தவிர பங்குச்சந்தையில் அதிக லாபம் என்பது உட்பட பல்வேறு காரணங்களைக் கூறி ஆன்லைனில் மோசடி செய்வது அதிகரித்து இருக்கிறது. இது குறித்து பொதுமக்கள் மத்தியில் விழிப்புணர்வை ஏற்படுத்துவதற்காக மத்திய அரசு போனில் வாய்ஸ் மெசேஜ் ஒன்றை அறிமுகம் செய்துள்ளது.
இணையதள குற்றவாளிகளிடமிருந்து எச்சரிக்கையாக இருங்கள் என்று நடிகர் அமிதாப் பச்சன் கூறுவது போன்ற அந்த வாய்ஸ் மெசேஜ் போனில் தொடர்ந்து ஒலித்துக்கொண்டிருந்தது.
ஒருவருக்கு போன் செய்தால் முதலில் ஒலிப்பது அமிதாப் பச்சனின் வாய்ஸ் மெசேஜ்தான். அதன் பிறகுதான் காலுக்கு ரிங் போகும்.
சில நேரங்களில் அவசரமாக ஒருவருக்கு போன் பண்ண நினைக்கும்போது அமிதாப் பச்சனின் வாய்ஸ் மெசேஜ் வரும். இது தொடர்பாகப் பொதுமக்களிடமிருந்து தொடர்ந்து புகார்கள் வந்து கொண்டிருந்தன. நடிகர் அமிதாப்பச்சனின் சமூக வலைத்தளப் பக்கத்திலும் இது தொடர்பாக நெட்டிசன்கள் அவரைக் கடுமையாக ட்ரோல் செய்தனர்.
ஒருவர் போன் வாய்ஸ் மெசேஜை நிறுத்துங்கள் என்று குறிப்பிட்டு இருந்தார். அதற்கு அமிதாப் பச்சன், "அரசாங்கத்திடம் சொல்லுங்கள். அவர்கள் சொல்வதைத்தான் நான் செய்தேன்" என்று குறிப்பிட்டு இருந்தார்.
இதே போன்று மற்றொரு நெட்டிசன் அமிதாப் பச்சனின் வயதைக் குறிப்பிட்டு விமர்சனம் செய்திருந்தார். இதற்குப் பதிலளித்துள்ள அமிதாப் பச்சன், "உங்களுக்கும் முதுமை வரலாம். ஆனால் வயதானவர்கள் புத்திசாலி என்று ஒரு பழமொழி உண்டு" என்று குறிப்பிட்டு இருந்தார்.
பொதுமக்களின் புகாரைத் தொடர்ந்து அமிதாப் பச்சனின் வாய்ஸ் மெசேஜை மத்திய அரசு இன்றுமுதல் அகற்றிவிட்டது. இதற்கு முன்பும் கொரோனா காலத்தில் அமிதாப் பச்சனின் வாய்ஸ் மெசேஜ் போனில் வந்தபோது அதற்குக் கடும் விமர்சனம் வந்தது.
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
