Seeman: "அதிமுக கூட்டணி; துணை முதல்வர் பதவி; ஆதவ் கொடுத்த வாக்கு" - ரகசியம் சொல்லும் சீமான்!

'சீமான் பத்திரிகையாளர் சந்திப்பு!'

அ.தி.மு.க கூட்டணியில் சேர்ந்தால் துணை முதல்வர் ஆக்குகிறோம் என்று ஆதவ் அர்ஜுனா, தன்னிடம் கூறியதாக நாம் தமிழர் கட்சியின் ஒருங்கிணைப்பாளர் சீமான் பத்திரிகையாளர் சந்திப்பில் பேசியிருக்கிறார்.

த.வெ.க தலைவர் விஜய் தலைமையில் நடந்த கல்வி விருது வழங்கும் விழா நேற்று பூஞ்சேரியில் நடந்திருந்தது.

இந்த நிகழ்வுக்கான ஏற்பாடுகளின் போது அந்தக் கட்சியின் பொதுச்செயலாளர் ஆனந்த்தும், தேர்தல் மேலாண்மைப் பொதுச்செயலாளர் ஆதவ் அர்ஜூனாவும் பேசிக்கொண்டிருந்த வீடியோ ஒன்று இப்போது வெளியாகியிருக்கிறது.

அதில் ஆதவ் அர்ஜூனா, 'அண்ணாமலையாச்சும் ஒரு 10 பேரைச் சேர்த்துக்கிட்டு 18% ஓட்டு எடுத்துட்டாரு. எடப்பாடியை நம்பி யாரும் கூட்டணிக்கு வரமாட்டாங்க...' என்று பேசியிருந்தார். இந்த வீடியோ சமூகவலைத்தளங்களில் வைரலாகி வருகிறது.

இந்நிலையில், மறைந்த நடிகர் ராஜேஷின் உடலுக்கு அஞ்சலி செலுத்த வந்த நாம் தமிழர் கட்சியின் ஒருங்கிணைப்பாளர் சீமானிடம் பத்திரிகையாளர்கள் ஆதவ்வின் கருத்து குறித்துக் கேட்டனர்.

அதற்குச் சீமான், 'புறணி பேசுறதுக்கு நான் என்ன பதில் சொல்றது. இதே ஆதவ்தான் அ.தி.மு.க கூட்டணிக்கு வாங்க, துணை முதல்வர் ஆக்குறோம்னு சொன்னாரு...' எனக் கூறியிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://bit.ly/3PaAEiY

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3PaAEiY