திருப்பத்தூா்: நாட்டறம்பள்ளி அருகே அடிப்படை வசதிகள் ஏற்படுத்தி தர வேண்டும் என மக்கள் குறைதீா் கூட்டத்தில் கே. பந்தாரப்பள்ளி கிராமத்தினா் கோரிக்கை மனு அளித்தனா்.
திருப்பத்தூா் ஆட்சியா் அலுவலகத்தில் நடைபெற்ற கூட்டத்தில் ஆட்சியா் க.தா்ப்பகராஜ் தலைமை வகித்து பொதுமக்களிடம் இருந்து 376 மனுக்களைப் பெற்றுக் கொண்டாா். மாவட்ட வருவாய் அலுவலா் நாராயணன் முன்னிலை வகித்தாா்.
நாட்டறம்பள்ளி அருகே கே.பந்தாரப்பள்ளி ஊராட்சி வண்டிக்காரன் வட்டம் பகுதியைச் சோ்ந்த பொதுமக்கள் அளித்த மனு : ஏராளமானோா் வசித்து வருகிறோம். சாலை, மயானம், விளையட்டு மைதானத்தை ஏற்படுத்தி தர வேண்டும்.
தமிழக விவசாயிகள் சங்க மாநில துணைத் தலைவா் ராஜா பெருமாள் தலைமையில் அளித்த மனு: புயல் மழையால் விவசாய நிலங்கள் சேதமடைந்துள்ளன. எனவே, பயிா்களுக்கு நிவாரணம் வழங்க வேண்டும். மேலும் மிட்டூா், மரிமாணிக்குப்பம், பூங்குளம் ஆகிய ஊராட்சிகளுக்கு காவிரி கூட்டுக் குடிநீா் திட்டத்தை நிறைவேற்ற வேண்டும்.
வாணியம்பாடி அருகே ராமநாயக்கன்பேட்டை பொதுமக்கள் அளித்த மனு: நாட்டறம்பள்ளி அருகே ஆவாரங்குப்பம் பாலாறு பகுதியில் தொடங்கும் பாசன கால்வாயான ராஜா கால்வாயின் மூலம் பல்வேறு ஏரிகள், குளங்கள் நீா் ஆதாரத்தை பெறுகின்றன. மேலும், 800 ஏக்கா் விவசாய நிலங்கள் பாசன வசதி பெறுகிறது. தற்போது இந்த கால்வாயானது மண் மேடாகவும், முள்புதா்களாலும், சில ஆக்கிரமிப்புகளாலும் பாதிக்கப்பட்டு உள்ளது. எனவே, கால்வாயினை தூா்வார நடவடிக்கை எடுக்க வேண்டும்.
குரும்பேரி அடுத்த மாம்பாக்கம் மக்கள் அளித்த மனு: எங்கள் பகுதியில் வசிக்கும் பொதுமக்கள் விவசாய நிலங்களுக்கு செல்ல ஆற்றை கடந்து தான் செல்ல வேண்டும். மழை காலங்களில் ஆற்றில் தண்ணீா் அதிகம் செல்வதால் செல்ல முடியவில்லை. எனவே பாலம் அமைக்க வேண்டும். என தெரிவித்திருந்தனா்.
சகோதரா்களுக்கு ஒரே ஆதாா் எண்:
திருப்பத்தூா் அருகே ஆதியூா் கொல்லகொட்டாய் பகுதியை சோ்ந்த ஜெய்சங்கா் அளித்துள்ள மனுவில் கூறியிருப்பதாவது:
எனக்கும், என் சகோதரா் துரைக்கும் ஆதாா் அட்டையில் ஒரே எண் உள்ளது. இதனால் எங்களால் எந்தவித நலத்திட்ட உதவிகளும் பெற முடியவில்லை. ஆதாா் எண்ணை மாற்ற பல்வேறு இடங்களுக்கு சென்றும் எண்ணை மாற்ற முடியவில்லை. எனவே எங்களுக்கு ஆதாா் எண்ணை மாற்ற உரிய நடவடிக்கை எடுக்க வேண்டும் எனத் தெரிவித்திருந்தாா்.
