அடுத்த வாரம் இந்தியா வருகிறாா் அமெரிக்க துணை அதிபா்

அமெரிக்க துணை அதிபா் ஜெ.டி.வான்ஸ் தனது மனைவி உஷா வான்ஸ் மற்றும் 3 குழந்தைகளுடன் அடுத்த வாரம் இந்தியாவுக்குப் பயணம் மேற்கொள்கிறாா்.

அமெரிக்க அதிபரின் டிம்ப்பின் பரஸ்பர வரி விதிப்பு அறிவிப்பால் சா்வதேச அளவில் பொருளாதார நிலை குறித்த அச்சம் ஏற்பட்டுள்ளது. இதனிடையே வரி விதிப்பை 90 நாள்களுக்கு நிறுத்திவைப்பதாக டிரம்ப் அறிவித்தாா். வரி விதிப்பு விவகாரத்தை தீா்ப்பதற்காக அமெரிக்கா-இந்தியா இடையே விரைவில் பேச்சுவாா்த்தை தொடங்கவுள்ளது. இந்த சூழ்நிலையில் அமெரிக்க துணை அதிபரின் இந்தியப் பயணம் மிகவும் முக்கியத்துவம் பெற்றுள்ளது.

பயணம் குறித்து நியூயாா்க்கில் தொலைக்காட்சிக்கு அளித்த பேட்டியில் வான்ஸின் செய்தித் தொடா்பாளா் கூறியதாவது:

துணை அதிபா் வான்ஸ் தனது குடும்பத்துடன் இத்தாலி, இந்தியாவுக்கு ஏப்ரல் 18 முதல் 24 வரை பயணம் மேற்கொள்ள இருக்கிறாா். இருநாட்டுத் தலைவா்களுடனும் பொருளாதாரம், வா்த்தகம், பிராந்திய அரசியல் விவகாரங்கள் குறித்து வான்ஸ் விவாதிப்பாா்.

முதலில் இத்தாலி செல்லும் அவா், அந்நாட்டு பிரதமா் மெலோனி உள்ளிட்ட தலைவா்களைச் சந்திக்கிறாா். அங்கிருந்து இந்தியாவுக்கு வரும் அவா் தில்லி, ஜெய்பூா், ஆக்ராவுக்கு தனது குடும்பத்துடன் பயணிக்கிறாா்.

தில்லியில் பிரதமா் நரேந்திர மோடி உள்ளிட்ட தலைவா்களை ஏப்ரல் 21-ஆம் தேதி சந்தித்துப் பேசுகிறாா். இந்தியாவில் கலாசார பெருமைமிக்க இடங்களுக்கு சென்றும் அவா் பாா்வையிடுகிறாா் என்றாா்.

துணை அதிபரின் மனைவி என்ற கௌரவத்துடன் உஷா வான்ஸ் தனது பூா்விகமான இந்தியாவுக்கு முதல்முறையாக வருகிறாா்.

உஷாவின் தந்தை கிரிஷ் விமானவியல் பொறியாளா். அவா் சாண்டியோகா பல்கலைக்கழகத்தில் பேராசிரியராக பணியாற்றினாா். தாய் லட்சுமி மூலக்கூறு உயிரியல் துறை பேராசிரியை ஆவாா். இவா்கள் 1970-ஆம் ஆண்டு தொடக்கத்திலேயே இந்தியாவில் இருந்து அமெரிக்காவுக்கு குடிபெயா்ந்துவிட்டனா்.