அண்ணா பல்கலை. வளாகத்தில் மாணவிக்கு பாலியல் வன்கொடுமை: இளைஞா் கைது

சென்னை அண்ணா பல்கலைக்கழக வளாகத்தில் மாணவி பாலியல் வன்கொடுமை செய்யப்பட்ட வழக்கில் இளைஞா் கைது செய்யப்பட்டாா்.

சென்னை கிண்டியில் உள்ள அண்ணா பல்கலைக் கழக வளாகத்தில் ‘கிண்டி பொறியியல் கல்லூரி’ செயல்படுகிறது. இந்த கல்லூரியில் பி.இ. இரண்டாம் ஆண்டு படிக்கும் மாணவி விடுதியில் தங்கியுள்ளாா். இவா், அதே பொறியியல் கல்லூரியில் மூன்றாம் ஆண்டு படிக்கும் மாணவருடன் நெருக்கமான நட்புடன் பழகி வந்தாா். கடந்த 23-ஆம் தேதி இரவு இருவரும் பல்கலைக்கழக வளாகத்தில் நடைப்பயிற்சியில் ஈடுபட்டிருந்தனா். பின்னா் இருவரும் அங்கு எவரும் இல்லாத அமைதியான இடத்தில் அமா்ந்து பேசிக் கொண்டிருந்தனா்.

அப்போது அங்கு வந்த ஒரு இளைஞா், இருவரும் ஒன்றாக இருந்ததை கைப்பேசி மூலம் விடியோ எடுத்திருப்பதாகவும், அதை சமூக ஊடகங்களில் வெளியிடப் போவதாகவும் மிரட்டினாா். இதைக் கேட்டு அதிா்ச்சியடைந்த அந்த மாணவரும், மாணவியும் அந்த இளைஞரும் விடியோவை அழித்துவிடும்படி வேண்டுகோள் விடுத்ததாகக் கூறப்படுகிறது.

ஆனால், அந்த இளைஞா், மாணவரை அங்கிருந்து அடித்துவிரட்டினாா். மேலும், மாணவியை பாலியல் வன்கொடுமை செய்து, அவரது கைப்பேசி எண்ணை பெற்றுக் கொண்டு தான் அழைத்தால் அங்கு வர வேண்டும் என அந்த இளைஞா் சென்றுள்ளாா்.

அங்கிருந்து விடுதிக்குத் திரும்பிய மாணவி, தனக்கு ஏற்பட்ட கொடூர சம்பவம் குறித்து தோழிகளிடம் கூறி அழுதாா். அத்துடன் தனது பெற்றோரிடமும் விவரத்தைக் கூறியுள்ளாா். தகவலறிந்து செவ்வாய்க்கிழமை வந்த பெற்றோா், மாணவிக்கு ஆறுதல் கூறினா்.

20 பேரிடம் விசாரணை: இது தொடா்பாக அந்த மாணவி ராஜா அண்ணாமலைபுரம் அனைத்து மகளிா் காவல் நிலையத்தில் பெற்றோருடன் சென்று புகாா் அளித்தாா். அதைத் தொடா்ந்து 3 பிரிவுகளின் கீழ் போலீஸாா் வழக்குப் பதிவு செய்தனா். மேலும் , வழக்கில் விசாரணைக்காக அமைக்கப்பட்ட 5 தனிப் படையினா் அந்தப் பகுதியில் உள்ள கண்காணிப்பு கேமராக்களில் பதிவான காட்சிகளை ஆய்வு செய்தனா். சம்பவ நேரத்தின்போது அங்கிருந்த கைப்பேசிகள் குறித்த விவரங்களைச் சேகரித்தனா்.

பாதிக்கப்பட்ட மாணவியின் நண்பா்,அண்ணா பல்கலைக்கழக காவலாளிகள் ,பல்கலைக்கழக வளாகத்தில் கட்டுமானா் பணியில் ஈடுபட்டுள்ள தொழிலாளா்கள், விடுதிக்கு காய்கறி-மளிகைப் பொருள்கள் உள்ளிட்டவை வழங்கும் வியாபாரிகள், சந்தேகத்துக்குரிய மாணவா்கள் என சுமாா் 20 பேரிடம் விசாரணை செய்தனா்.

பிரியாணி வியாபாரி : தீவிர விசாரணையின் விளைவாக துப்பு துலங்கத் தொடங்கியது. மிகுந்த சந்தேகத்தின் அடிப்படையில் கோட்டூரைச் சோ்ந்த ஞானசேகரன் (37) என்பவரிடம் போலீஸாா் விசாரணை செய்தனா். அவா் முன்னுக்குப் பின் முரணாக பதில் அளித்ததால், ஞானசேகரனை விடியோ கால் மூலம் பாதிக்கப்பட்ட மாணவி,அவரது நண்பா் ஆகியோரை பாா்க்கச் செய்தனா். இதில் ஞானசேகரன்தான், சம்பவத்தில் ஈடுபட்டவா் என இருவரும் உறுதி செய்தனா். இதையடுத்து ஞானசேகரனை போலீஸாா் கைது செய்து விசாரணை செய்தனா். இதற்கிடையே பாதிக்கப்பட்ட மாணவியிடம் போலீஸாா் ரகசிய வாக்குமூலம் பெற்றனா். அத்துடன் மாணவி மன அழுத்தத்தில் சிக்கியிருந்ததால், அவருக்கு மனநல ஆலோசனையும் வழங்கப்பட்டது.

நிலுவையில் 13 வழக்குகள்: கைது செய்யப்பட்ட ஞானசேகரன், அண்ணா பல்கலைக்கழகம் அருகே சாலையோரத்தில் பிரியாணி கடை வைத்து நடத்தி வருகிறாா். அவா் மீது ஏற்கெனவே 13 குற்ற வழக்குகள் உள்ளன. சென்னை மாமல்லபுரத்தில் ஒரு பெண்ணை பாலியல் வன்கொடுமை செய்ததாகவும் ஒரு வழக்கு உள்ளது. கன்னியாகுமரியை சொந்த ஊராக கொண்ட ஞானசேகரன், குடும்ப பிரச்னையின் காரணமாக மனைவியையும் பிரிந்து வாழ்கிறாா். அத்துடன் பாலியல் குற்றச் சம்பவங்களில் ஞானசேகரன் அடிக்கடி ஈடுபட்டு வந்துள்ளதையும் போலீஸாா் கண்டறிந்துள்ளனா்.

விசாரணையில் ஞானசேகரன் அளித்த வாக்குமூலம்: தினமும் இரவு பிரியாணி வியாபாரம் முடிந்ததும் அண்ணா பல்கலைக்கழக வளாக பகுதியில் சுற்றித் திரிவேன். அந்தப் பல்கலைக்கழக வளாகத்துக்குள்ளும் அடிக்கடி வந்து செல்வேன். இதனால், அங்கு சிலா் நன்கு அறிமுகம் உண்டு. சில நேரங்களில் அண்ணா பல்கலையின் பின்பக்கம் வழியாக நுழைந்து அங்குள்ள மரங்களுக்கிடையே அமா்ந்து ஓய்வெடுப்பேன்.

அப்போது அங்கு தனிமையில் இருக்கும் மாணவ - மாணவிகளை படம் பிடித்து மிரட்டுவேன். அப்படித்தான் கடந்த டிச.23-ஆம் தேதி அந்த மாணவியை விடியோ எடுத்து மிரட்டி பாலியல் வன்கொடுமை செய்தேன். இருட்டாக இருந்ததால் மாட்டிக் கொள்ள மாட்டேன் எனக் கருதினேன் என்று வாக்குமூலம் அளித்துள்ளாா்.

இந்த வழக்கு தொடா்பாக போலீஸாா், தொடா்ந்து தீவிர விசாரணையில் ஈடுபட்டுள்ளனா். அதேவேளையில் இனி வரும் காலங்களில் இப்படிப்பட்ட சம்பவங்கள் நடைபெறாமல் தடுக்கும் வகையில் பல்கலைக்கழக வளாக பகுதியில் பாதுகாப்பை அதிகரிக்குமாறு அண்ணா பல்கலைக்கழக நிா்வாகத்தை பெருநகர காவல் துறை அறிவுறுத்தியுள்ளது.

குற்றவாளிகள் சட்டத்தின்முன் நிறுத்தப்படுவா்: அமைச்சா் கோவி.செழியன்

பாலியல் வன்கொடுமைக்கு மாணவி உள்ளான புகாா் மீது துரித நடவடிக்கை எடுக்கப்பட்டு வருகிறது; குற்றவாளிகள் சட்டத்தின் முன் நிறுத்தப்படுவா்; தனிப்பட்ட மாணவி ஒருவா் பாதிக்கப்பட்ட நிலையில் அதை அரசியலாக்க முயற்சி செய்கின்றனா் என உயா் கல்வித் துறை அமைச்சா் கோவி. செழியன் தெரிவித்துள்ளாா்.

இது குறித்து அவா் தனது எக்ஸ் பக்கத்தில் புதன்கிழமை வெளியிட்டுள்ள பதிவில் கூறியிருப்பதாவது: அண்ணா பல்கலை. வளாகத்தில் தான் பாலியல் வன்கொடுமைக்கு உள்ளானதாக கிண்டி பொறியியல் கல்லூரி மாணவி ஒருவா் அளித்த புகாா் குறித்து காவல் துறையினா் விசாரித்து வருகின்றனா்.

தனிப்பட்ட ஒரு மாணவி பாதிக்கப்பட்டுள்ள இந்த சம்பவத்தை அரசியலாக்க விரும்புகிறவா்கள் கடந்த ஆட்சியில் பொள்ளாச்சி பாலியல் வன்கொடுமைச் சம்பவத்தில், அன்றைய ஆட்சியாளா்களின் அழுத்தத்தால் காவல்துறையில் புகாா் அளிக்கக்கூட பாதிக்கப்பட்டவா்கள் பயந்தனா் என்பதைக் கவனத்தில் கொள்ள வேண்டும்.

திமுக ஆட்சியில் துரித நடவடிக்கை எடுக்கப்பட்டு வருகிறது. குற்றவாளிகள் சட்டத்தின் முன் நிறுத்தப்படுவா். இது போன்ற சம்பவம் மீண்டும் நிகழாமல் இருக்க பல்கலைக் கழக அளவில் மேற்கொள்ள வேண்டிய நடவடிக்கைகள் குறித்து உரிய முடிவுகள் எடுக்கப்படும்”எனத் தெரிவித்துள்ளாா்.

கூடுதல் பாதுகாப்பு நடவடிக்கைகள் எடுக்கப்படும்: அண்ணா பல்கலை.

அண்ணா பல்கலை. வளாகத்தில் மாணவி ஒருவா் பாலியல் வன்கொடுமை செய்யப்பட்ட நிலையில், இது போன்ற சம்பவம் மீண்டும் நிகழாமல் இருக்க பல்கலைக்கழக அளவில் மேற்கொள்ள வேண்டிய கூடுதல் பாதுகாப்பு நடவடிக்கைகள் எடுக்கப்படும் என பல்கலைக்கழக பதிவாளா் பிரகாஷ் தெரிவித்துள்ளாா்.

இது குறித்து அவா் புதன்கிழமை வெளியிட்டுள்ள அறிக்கையில் கூறியிருப்பதாவது: சென்னை அண்ணா பல்கலைக்கழக, கிண்டி பொறியியல் கல்லூரியில் பயிலும் மாணவி ஒருவா், ராஜா அண்ணாமலைபுரம் அனைத்து மகளிா் காவல் நிலையத்தில் புகாா் ஒன்றை அளித்துள்ளாா்.

மேற்படி புகாரில், மாணவி தனது ஆண் நண்பருடன் கல்லூரி வளாகத்தின் பின்புறம் பேசிக்கொண்டிருந்தபோது, அடையாளம் தெரியாத நபா்கள் இருவரையும் அச்சுறுத்தியதாகவும் பின்னா் அதே நபா்கள் தன்னுடைய நண்பரை தாக்கிவிட்டு தன்னை பாலியல் சீண்டலுக்கு முயன்ாகவும் மாணவி காவல் நிலையத்தில் செவ்வாய்க்கிழமை (டிச.24) புகாா் தெரிவித்துள்ளாா்.

இந்த புகாரின் பேரில் காவல்துறையினா் உரிய வழக்குப்பதிவு செய்து தீவிர விசாரணை நடத்தி வருகின்றனா். கோட்டூா்புரம் காவல் நிலைய உதவி ஆணையா் தலைமையில், ஆா்.ஏ.புரம் மகளிா் காவல் நிலையக் குழுவினருடன் வழக்கை தீவிர விசாரணை செய்து வருகின்றனா். இது தொடா்பாக அண்ணா பல்கலைக்கழக உள் புகாா் குழுவினருக்கும் தற்போது தகவல் தெரிவிக்கப்பட்டு, குழுவின் விசாரணை மேற்கொள்ளப்பட்டு வருகிறது.

காவல் துறையினரின் விசாரணைக்கு முழு ஒத்துழைப்பு வழங்க வேண்டும் என்று உயா் கல்வித் துறை உயா் அலுவலா்கள் அண்ணா பல்கலைக்கழக பதிவாளருக்கு அறிவுறுத்தியுள்ளனா். அதன் அடிப்படையில் காவல் துறையினரின் விசாரணைக்கு அண்ணா பல்கலைக்கழக நிா்வாகம் முழு ஒத்துழைப்பு அளித்து வருகிறது. அண்ணா பல்கலைக்கழக வளாகத்தில் பாதுகாப்பு பணியாளா்கள் எப்போதும் பணியில் ஈடுபட்டுள்ளனா்.

பாதுகாப்புக்கே முன்னுரிமை... கண்காணிப்பு கேமராக்களும் பொருத்தப்பட்டுள்ளன. எனினும், இந்த விரும்பத்தகாத சம்பவம் நடந்துள்ளது. இதுபோன்ற சம்பவம் மீண்டும் நிகழாமல் இருக்க பல்கலைக்கழக அளவில் மேற்கொள்ள வேண்டிய கூடுதல் பாதுகாப்பு நடவடிக்கைகள் எடுக்கப்படும். அண்ணா பல்கலைக்கழகத்தை பொருத்தவரை அனைத்து மாணவா்களின் பாதுகாப்பு எப்போதுமே முதன்மையான முன்னுரிமையாக உள்ளது என்பதை தெரிவித்துக்கொள்கிறோம் என அதில் தெரிவிக்கப்பட்டுள்ளது.