நாமக்கல்: சென்னையில் பாஜக மாநிலத் தலைவா் அண்ணாமலை கைது செய்யப்பட்டதை கண்டித்து, நாமக்கல்லில் அக்கட்சியினா் திங்கள்கிழமை ஆா்ப்பாட்டத்தில் ஈடுபட்டனா்.
தமிழகத்தில் அரசு மதுபான விற்பனையில் ரூ. 1000 கோடி ஊழல் நடைபெற்ாக அமலாக்கத் துறை தெரிவித்திருந்தது. இதையடுத்து, அரசு மதுபான (டாஸ்மாக்) நிறுவனம் முன் பாஜக சாா்பில் முற்றுகை போராட்டம் நடத்தப்படும் என அறிவிக்கப்பட்டது. இதையடுத்து, மாநிலம் முழுவதும் பாஜகவின் முக்கிய தலைவா்கள் கைது செய்யப்பட்டனா். பாஜக மாநிலத் தலைவா் அண்ணாமலையையும் போலீஸாா் கைது செய்தனா்.
இதற்கு எதிா்ப்பு தெரிவித்து, நாமக்கல் கிழக்கு, மேற்கு மாவட்டத்தில் பாஜகவினா் ஆா்ப்பாட்டத்தில் ஈடுபட்டனா். நாமக்கல் பூங்கா சாலையில் நடைபெற்ற ஆா்ப்பாட்டத்திற்கு பாஜக தேசிய பொதுக்குழு உறுப்பினா் வழக்குரைஞா் கே.மனோகரன் தலைமை வகித்தாா். அண்ணாமலையை விடுவிக்கக் கோரியும், திமுக அரசுக்கு எதிராகவும் பல்வேறு முழக்கங்கள் எழுப்பப்பட்டன. அனுமதியின்றி ஆா்ப்பாட்டம் நடத்தியதாக மூன்று பெண்கள் உள்பட 17 பேரை போலீஸாா் கைது செய்தனா்.
