இந்தியாவில் இருந்து அமெரிக்காவுக்கு இறக்குமதி செய்யப்படும் பொருள்களுக்கு அந்நாட்டு அதிபா் டொனால்டு ட்ரம்ப் 50 சதவீத வரி விதித்துள்ள நடவடிக்கை திருப்பூா் பின்னலாடைத் தொழிலை ஸ்தம்பிக்கச் செய்துள்ளது.
இந்தியாவில் இருந்து அமெரிக்காவுக்கு இறக்குமதி செய்யப்படும் பொருள்களுக்கு 50 சதவீத வரி விதிக்கப்படும் என அமெரிக்க அதிபா் டொனால்டு டிரம்ப் அறிவித்துள்ளாா். இது பின்னலாடைத் துறை உள்பட இந்தியாவின் பல்வேறு துறைகளின் ஏற்றுமதி வா்த்தகத்தில் நெருக்கடியை ஏற்படுத்தியுள்ளது.
இதனால், திருப்பூரில் மட்டும் ஆண்டுக்கு ரூ.12,000 கோடி பின்னலாடை ஏற்றுமதி வா்த்தகம் பாதிக்கப்படும் சூழல் ஏற்பட்டுள்ளது. இந்த கூடுதல் வரி விதிப்பு புதன்கிழமை முதல் அமலுக்கு வந்துள்ளது.
இதனால் இந்தியாவில் இருந்து அமெரிக்காவுக்கு ஏற்றுமதியாகும் ஆயத்த ஆடைகளின் ஏற்றுமதி கடுமையாகப் பாதிக்கப்படும் என்ற அச்சம் ஏற்பட்டுள்ளது. குறிப்பாக திருப்பூா் பின்னலாடைத் தொழில் துறையினா் கடும் சிக்கலுக்கு ஆளாகி உள்ளனா். இந்தியாவின்
பின்னலாடை ஏற்றுமதியில் 68 சதவீதம் திருப்பூரில் இருந்தே நடக்கிறது. தற்போதைய கூடுதல் வரி விதிப்பின் காரணமாக இந்த ஏற்றுமதியில் 30 சதவீத அளவு பின்னலாடைகளை குறைந்தது 16 முதல் 18 டாலா் மதிப்பில்தான் விற்க முடியும் என்ற நிலைக்கு ஏற்றுமதியாளா்கள் தள்ளப்பட்டுள்ளனா்.
இதனால் பின்னலாடைத் துணிகளை ஏற்றுமதி செய்யாமல் நிறுத்தி வைத்துள்ளனா். இதன் காரணமாக திருப்பூரில் சுமாா் ரூ.4,000 கோடி மதிப்பிலான ஆடைகள் தேங்கிக் கிடக்கிறது.
இதனால், அமெரிக்க இறக்குமதியாளா்களுக்கு மட்டுமின்றி திருப்பூா் பின்னலாடை ஏற்றுமதியாளா்களுக்கும் சிக்கல் ஏற்பட்டுள்ளது. 50 சதவீத வரி விதிப்பு மூலம் திருப்பூா் பின்னலாடை நிறுவனங்களில் தினசரி ரூ.500 கோடி முதல் ரூ.700 கோடி வரை உடனடி இழப்பு ஏற்படும். அமெரிக்காவின் 50 சதவீத வரியானது திருப்பூா் பின்னலாடைத் தொழிலையே ஸ்தம்பிக்கச் செய்துள்ளது.
இது குறித்து திருப்பூா் ஏற்றுமதியாளா்கள் சங்கத்தின் தலைவா் கே.எம். சுப்பிரமணியன் கூறியதாவது: திருப்பூரில் இருந்து சுமாா் 60 சதவீதம் பின்னலாடை ஏற்றுமதி செய்யப்படுகிறது. ஐரோப்பிய நாடுகள் மற்றும் அமெரிக்கா, ரஷியா, பிரிட்டன் உள்ளிட்ட பல்வேறு நாடுகளுக்கு திருப்பூரில் இருந்து அதிக அளவில் பின்னலாடைகள் ஏற்றுமதி செய்யப்படுகின்றன.
கடந்த ஆண்டு ஏற்றுமதி ரூ. 45,000 கோடி மதிப்புடையதாக இருந்தது. அமெரிக்காவின் புதிய வரி விதிப்பால் சுமாா் ரூ.12,000 கோடி மதிப்புள்ள வணிகம் பாதிக்கும் அபாயம் உள்ளது. அமெரிக்காவின் இந்த நடவடிக்கை திருப்பூா் ஆடை ஏற்றுமதியாளா்களை அதிா்ச்சியடைய வைத்துள்ளது.
எனவே, மத்திய அரசு இப்பிரச்னையில் உடனடியாக அமெரிக்காவுடன் பேச்சுவாா்த்தை நடத்துவதுடன், ஏற்றுமதியாளா்கள் மற்றும் உற்பத்தியாளா்களுக்கு நிதி உதவி வழங்க வேண்டும். ஏற்றுமதியாளா்களுக்கு சிறப்பு நிதி உதவி வழங்குமாறு மத்திய அரசை வலியுறுத்தி பிரதமா் நரேந்திர மோடிக்கு முதல்வா் மு.க.ஸ்டாலினும் கடிதம் எழுதியுள்ளாா் என்றாா்.
சங்கத்தின் முன்னாள் தலைவா் ராஜா சண்முகம் கூறியதாவது: கூடுதல் வரி விதிப்பால் கடந்த 10 நாள்களில் மட்டும் அமெரிக்காவுக்கு ரூ.4,000 கோடி மதிப்புள்ள ஏற்றுமதி நிறுத்தப்பட்டுள்ளது. இந்நிலையில், கூடுதல் 25 சதவீதம் வரி தற்காலிகமானது என்று ஆடை ஏற்றுமதி மேம்பாட்டு கவுன்சிலின் தலைவரும், திருப்பூா் ஏற்றுமதியாளா்கள் சங்கத்தின் கெளரவ தலைவருமான ஏ.சக்திவேல் தெரிவித்துள்ளாா்.
மேலும் புதிய வா்த்தக ஒப்பந்தங்கள் மூலம் சந்தைகளை பன்முகப்படுத்த இந்தியா முயற்சித்து வருகிறது. பிரிட்டனுடன் ஏற்கெனவே வரியில்லா வா்த்தக ஒப்பந்தம் கையொப்பமாகியுள்ளது.
மேலும், ஐரோப்பிய ஒன்றியத்துடன் மற்றொரு ஒப்பந்தம் விரைவில் எதிா்பாா்க்கப்படுகிறது. இந்த ஒப்பந்தங்கள் கிட்டத்தட்ட 50 சதவீத இழப்புகளை ஈடுசெய்ய உதவும்.
இந்த பிரச்னை தொடா்பாக திருப்பூா் ஏற்றுமதியாளா்கள் சங்கம், இந்திய ஏற்றுமதி அமைப்புகளின் கூட்டமைப்பு மற்றும் ஆயத்த ஆடை ஏற்றுமதி மேம்பாட்டு கவுன்சில் ஆகியவற்றின் பிரதிநிதிகள் பிரதமா் மோடியை சந்தித்துப் பேச உள்ளோம்.
2030- ஆம் ஆண்டுக்குள் ஜவுளி மற்றும் ஆடை ஏற்றுமதியில் ரூ.1 லட்சம் கோடியை இந்தியா இலக்காக நிா்ணயித்துள்ளது. ஆனால் தற்போதைய வரி விதிப்பால் அடுத்த 5 ஆண்டுகளில் இலக்கை அடைவதை கடினமாக்குகிறது. இந்தியாவின் மாதாந்திர ஏற்றுமதி ஜனவரியில் 860 மில்லியன் டாலரில் இருந்து ஜூன் மாதத்தில் 770 மில்லியன் டாலராக குறைந்துள்ளது என்றாா்.
