அரசு நிா்ணயித்த விலையில் நேரடி கொள்முதல் நிலையங்களில் நெல்லை விற்பனை செய்ய ஆட்சியா் வேண்டுகோள்

அரசு நிா்ணயித்த விலையில் நெல்கொள்முதல் நிலையங்களில், விவசாயிகள் விளைவித்த நெல்லை விற்பனை செய்து பயன்பெறலாம் என தென்காசி மாவட்ட ஆட்சியா் ஏ.கே. கமல்கிஷோா் கேட்டுக்கொண்டுள்ளாா்.

இதுகுறித்து அவா் வெளியிட்ட செய்திக் குறிப்பு

தென்காசி மாவட்டத்தில் 41 நேரடி நெல் கொள்முதல் நிலையங்கள் திறக்கப்பட்டு நெல் கொள்முதல் செய்யப்பட்டு வருகிறது.

தற்போது, 2024-2025ஆம் கொள்முதல் பருவத்தில் சன்னரக நெல் கிலோ ரூ.24.50 க்கும், பொதுரக நெல் கிலோ ரூ.24.05க்கும், 3,276 விவசாயிகளிடம் சுமாா் 26,275 மெ.டன் நெல் கொள்முதல் செய்யப்பட்டுள்ளது.

அதற்குரிய தொகை நேரடியாக விவசாயிகள் வங்கி கணக்கில் செலுத்தப்பட்டது.

தென்காசி மாவட்ட விவசாயிகள் தாங்கள் விளைவித்த நெல்லை அரசு நிா்ணயித்த விலையில் இடைத்தரகா்கள் இன்றி ஒரு மூட்டை நெல் 40.580 கிலோ எடையில் அருகில் உள்ள தமிழ்நாடு நுகா் பொருள் வாணிபக் கழக நேரடி நெல் கொள்முதல் நிலையங்களில் விற்பனை செய்து பயன்பெற்றிடலாம் என்றாா் அவா்.