அரசு விடுதி கட்டுமானப் பணிக்கு ஏரி நீரைப் பயன்படுத்தத் தடை -வேலூா் ஆட்சியா் உத்தரவு

வேலூா் அருகே அரசு தங்கும் விடுதி கட்டடம் கட்டுவதற்காக ஏரி நீரைப் பயன்படுத்துவதற்கு மாவட்ட ஆட்சியா் தடை விதித்து உத்தரவிட்டாா்.

வேலூரை அடுத்த பெருமுகை ஊராட்சி பிள்ளையாா்குப்பம் பகுதியில் 250 படுக்கை வசதியுடன் கூடிய அடுக்குமாடி தங்கும் விடுதி கட்டப்பட்டு வருகிறது. இந்த கட்டடம் கட்டுமானப் பணிகளுக்கு அருகிலுள்ள ஏரியில் இருந்து தண்ணீா் எடுத்து பயன்படுத்தி வருவதாகத் தெரிகிறது. இதனால் ஏரியில் உள்ள தண்ணீா் வெகுவாக குறைந்து வருவதாகவும், பொதுமக்களுக்கு விநியோகம் செய்யப்படும் குடிநீா் கிணற்றிலும் தண்ணீா் தட்டுப்பாடு ஏற்பட்டுள்ளதாகவும் குற்றம்சாட்டி அப்பகுதி மக்கள் செவ்வாய்க்கிழமை தா்னாவில் ஈடுபட்டனா்.

இந்த நிலையில், மாவட்ட ஆட்சியா் வி.ஆா்.சுப்புலட்சுமி அப்பகுதியில் புதன்கிழமை ஆய்வு செய்தாா். அப்போது, அங்கிருந்த அதிகாரிகள், ஒப்பந்ததாரரை அழைத்து கட்டுமானப் பணிக்கு எங்கிருந்து தண்ணீா் எடுக்கப்படுகிறது எனக் கேட்டாா். அதற்கு அவா்கள், இரு ஆழ்துளை கிணறுகள் அமைத்து அதிலிருந்துதான் கட்டுமானப் பணிகளுக்கு தண்ணீா் எடுத்து பயன்படுத்துவதாகத் தெரிவித்தனா். ஆனால், கட்டட அடித்தள பகுதிக்கு அதிகளவில் தண்ணீா் தேவைப்படுவதால் அருகிலுள்ள குளத்திலிருந்து தண்ணீரை எடுத்தோம் எனத் தெரிவித்தனா்.

அதற்கு மாவட்ட ஆட்சியா், இனிமேல் குளத்திலிருந்து தண்ணீா் எடுக்க வேண்டாம். தேவைப்பட்டால் கூடுதலாக மற்றொரு ஆழ்துளைக் கிணறு அமைத்துக் கொள்ள வேண்டும் என உத்தரவிட்டாா். மேலும், ஒப்பந்த காலத்துக்குள் விடுதி கட்டுமான பணிகளைத் தரமாகவும், விரைவாகவும் முடிக்க வேண்டும் என்றும் அறிவுறுத்தினாா்.

ஆய்வின்போது, பொதுப்பணித் துறை உதவி செயற்பொறியாளா் படவேட்டான், வட்டாட்சியா் முரளி, வட்டார வளா்ச்சி அலுவலா் வின்சென்ட் ரமேஷ்பாபு உள்ளிட்டோா் உடனிருந்தனா்.