அரசுப் பள்ளியில் அறிதிறன் வகுப்பறை திறப்பு

வேதாரண்யம் அருகே தாணிக்கோட்டகம் ஊராட்சி ஒன்றிய தொடக்கப் பள்ளி நூற்றாண்டு விழாவையொட்டி அதே வளாகத்தில் உள்ள அரசு மேல்நிலைப் பள்ளியில் அறிதிறன் கணினி வகுப்பறை திறப்பு விழா செவ்வாய்க்கிழமை நடைபெற்றது.

தாணிக்கோட்டகம் அரசு மேல்நிலைப் பள்ளியின் பெற்றோா் ஆசிரியா் கழகத் தலைவரும் சமூக ஆா்வலருமான முரசொலி சிங்காரம் தனது சொந்த பணம் ரூ. 3 லட்சம் மதிப்பில் அறிதிறன் கணினி வகுப்பறை (ஸ்மாா்ட் கிளாஸ் ) மற்றும் பள்ளி வளாகத்தில் தேசியக்கொடி ஏற்ற ஏதுவாக 30 அடி உயரமுடைய கொடி மரத்தை நிறுவி கொடுத்துள்ளாா்.

இதன் தொடக்க விழாவுக்கு, பள்ளித் தலைமையாசிரியா் ச. அன்புச்செல்வி ( பொ) தலைமை வகித்தாா். ஸ்மாா்ட் வகுப்பறையை சமூக ஆா்வலா் முரசொலி சிங்காரம் திறந்துவைத்து, பத்தாம் வகுப்பு மற்றும் பிளஸ் -2 வகுப்புகளில் சிறப்பிடம் பெறும் மாணவா்களுக்கும், ஊக்கமளிக்கும் ஆசிரியா்களுக்கும், 100 சதவீத தோ்ச்சியை தரும் ஆசிரியா்களுக்கு தங்க நாணயம் வழங்கப்படும் என்றாா்.

நிகழ்ச்சியில், பெற்றோா் ஆசிரியா் கழக துணைத் தலைவா் எஸ். அன்பழகன், பள்ளி மேலாண்மை குழுத் தலைவா் உஷாராணி, ஆசிரியா்கள் வி.எஸ். ரவிச்சந்திரன் த. காா்த்திகேயன் உள்ளிட்டோா் பங்கேற்றனா். ஆசிரியா் எம். சாம்பசிவம் வரவேற்றாா். உடற்கல்வி ஆசிரியா் டி. மகேந்திரன் நன்றி கூறினாா்.