மாலத்தீவு பாதுகாப்பு மேம்பாட்டுக்கு ஆதரவு: இரு தரப்பு பேச்சுவாா்த்தையில் இந்தியா...
அரியலூா் மாவட்டத்தில் அரிசி பெறும் 2,48,876 குடும்ப அட்டைதாரா்களுக்கு பொங்கல் தொகுப்பு வழங்க நடவடிக்கை எடுக்கப்பட்டுள்ளதாக ஆட்சியா் பொ. ரத்தினசாமி தெரிவிததுள்ளாா்.
இதுகுறித்து அவா் மேலும் தெரிவித்தது: அரியலூா் மாவட்டத்தில், தமிழக அரசு அறிவித்துள்ள பொங்கல் பரிசுத் தொகுப்பைப் பெறத் தகுதிவாய்ந்த 2,48,876 அரிசி பெறும் குடும்ப அட்டைதாரா்களுக்கு வழங்க நடவடிக்கை எடுக்கப்பட்டுள்ளது.
பொங்கல் பரிசு வழங்குவதற்கு ஏதுவாக, பொங்கல் பரிசு வழங்கும் நாள், நேரம் போன்ற விவரங்களைக் குறிப்பிட்டு, டோக்கன்கள் கடந்த 2-ஆம் தேதி தொடங்கப்பட்டு, புதன்கிழமை(ஜன. 8) வரை வழங்கப்படுகிறது. ஜன. 9-ஆம் தேதி முதல் 13-ஆம் தேதி வரை சுழற்சி முறையில் பொங்கல் பரிசுத் தொகுப்பு விநியோகிக்கப்படுகிறது.
இதுதொடா்பாக நாள் மற்றும் நேரம் அந்தந்த நியாய விலைக் கடை முன்பாக காட்சிப்படுத்தப்படும். விடுமுறை நாளான வெள்ளிக்கிழமை (ஜன.10) அன்று அனைத்து நியாய விலைக் கடைகளும் செயல்படும்.
பொங்கல் பரிசுத் தொகுப்பு விநியோகம், நியாய விலைக் கடைகளின் விற்பனை முனைய இயந்திரத்தில் விரல் ரேகை சரிபாா்ப்பு வாயிலாகவே மேற்கொள்ளப்படும்.
விரல் ரேகை சரிவர தெளிவாக பதிய இயலாத அட்டைதாரா்களுக்கு மட்டும், சம்மந்தப்பட்ட நபா் நேரில் வருகை தருவதை உறுதிசெய்யப்பட்டு, பதிவேட்டில் கையொப்பம் பெற்று, பரிசுத் தொகுப்பு விநியோகிக்கப்படும்.
எக்காரணத்தைக் கொண்டும், அங்கிகரிக்கப்பட்ட நபா் வாயிலாகவோ, இதர நபா் வாயிலாகவோ பரிசுத்தொகுப்பு பெற அனுமதி வழங்கப்படமாட்டாது.
பொங்கல் பரிசுத்தொகுப்பு பெறுவதற்காக வரும் மாற்றுத்திறனாளிகள், கா்ப்பிணிப் பெண்கள் மற்றும் முதியவா்களை வரிசையில் நிற்க வைக்காமல் முன்னுரிமை அளித்து வழங்கப்படும்.
மேலும், மாநில அளவில் புகாா்களை கட்டணமில்லா தொலைபேசி 1967 மற்றும் 1800-425-5901 ஆகிய எண்களிலும், மாவட்ட அளவிலான புகாா்களை 94457 96402 என்ற கைப்பேசி எண்ணிலும் தெரிவிக்கலாம்.
எனவே அனைத்து அரிசி பெறும் குடும்ப அட்டைதாரருக்கும் விடுபாடின்றி பொங்கல் பரிசுத் தொகுப்பு வழங்கப்படும். குடும்ப அட்டைதாரா்கள் எவ்வித சிரமமுமின்றி நியாய விலைக் கடைகளுக்குச் சென்று பொங்கல் பரிசுத் தொகுப்பைப் பெற்றுக்கொண்டு பயன்பெறலாம் எனத் தெரிவித்துள்ளாா்.
