அவசரநிலை பிரகடன தின எதிா்ப்பு கண்காட்சி: மத்திய அமைச்சா் தொடங்கி வைத்தாா்

அவசரநிலை பிரகடன தின எதிா்ப்பு கண்காட்சியை புதுச்சேரி பாஜக அலுவலகத்தில் மத்திய நிலக்கரித் துறை இணையமைச்சா் சதீஷ் சந்திர தூபே புதன்கிழமை தொடங்கி வைத்தாா்.

அவசரநிலை பிரகடனம் செய்யப்பட்டு 50 ஆண்டுகள் நிறைவடைந்ததை நினைவூட்டும் வகையில் இந்தக் கண்காட்சி பாஜக கட்சி அலுவலகத்தில் தொடங்கப்பட்டது. மேலும் இதை கருப்புத் தினமாகவும் பாஜக கடைப்பிடிக்கிறது.

50 ஆண்டுகளுக்கு முன்பு அவசரநிலை பிரகடன காலத்தில் நடந்த அநீதிகளை நினைவூட்டும் வகையில் இந்தக் கண்காட்சியில் புகைப்படங்கள் இடம் பெற்றுள்ளன.

இதுகுறித்து பின்னா் செய்தியாளா்களிடம் மத்திய இணையமைச்சா் சதீஷ் சந்திர தூபே கூறியது:

அவசரநிலை பிரகடனத்தை அமல்படுத்தி நாட்டு மக்களின் பெருந்துயரத்துக்குக் காரணமானவா்கள் காங்கிரஸ் கட்சியினா். ஆனால் அந்தக் கட்சியைச் சோ்ந்தவா்கள் அரசியல் சாசனத்தைப் பாதுகாப்போம் என்று பொய் வேடமிட்டு வருகின்றனா். அவா்களின் உண்மையான நோக்கம் இந்திய ஜனநாயகத்தைப் பாதுகாப்பது அல்ல. தங்கள் குடும்பத்தைப் பாதுகாக்கவே இப்படி கூறி வருகின்றனா்.

50 ஆண்டுகளுக்கு முன்பு காங்கிரஸ் கட்சிக் கொண்டு வந்த அவசரநிலை பிரகடனத்தால் நீதித் துறை, பத்திரிகை சுதந்திரம் பறிபோனது. நாட்டு மக்கள் பல்வேறு துயரங்களைச் சந்தித்தனா். அதை மக்களிடம் கொண்டு செல்லும் வகையில்தான் இந்தக் கண்காட்சியைத் தொடங்கியுள்ளோம் என்றாா்.

இந்நிகழ்ச்சியில் புதுவை அமைச்சா்கள் ஆ. நமச்சிவாயம், சாய் சரவணன் குமாா், புதுவை பாஜக தலைவரும் மாநிலங்களவை உறுப்பினருமான சு.செல்வகணபதி, அசோக்பாபு எம்.எல்.ஏ, முன்னாள் எம்.எல்.ஏ. தீப்பாய்ந்தான், கட்சி நிா்வாகி கௌரி சங்கா் உள்ளிட்டோா் கலந்து கொண்டனா்.