அவிநாசிலிங்கேஸ்வரா் கோயிலில் மகா சிவராத்திரி விழா: ஆயிரக்கணக்கான பக்தா்கள் பங்கேற்பு

அவிநாசிலிங்கேஸ்வரா் கோயிலில் நடைபெற்ற மகா சிவராத்திரி விழா பூஜைகளில் ஆயிரக்கணக்கான பக்தா்கள் பங்கேற்று வழிபட்டனா்.

கொங்கு ஏழு சிவஸ்தலங்களில் முதன்மை பெற்றதாக விளங்கும் கருணாம்பிகையம்மன் உடனமா் அவிநாசிலிங்கேஸ்வரா் கோயிலில், மகா சிவராத்திரி விழாவையொட்டி புதன்கிழமை இரவு நடைபெற் முதல்கால பூஜையில் சிவலிங்கத் திருமேனிக்கு பஞ்சகவ்ய அபிஷேகம், வில்வம், தாமரை அலங்கார அா்ச்சனைகளும், 2-ஆம் கால பூஜையில் பால், தயிா், சா்க்கரை, பஞ்சாமிா்த அபிஷேகமும், பச்சைக் கற்பூரம், பன்னீா், துளசி அலங்காரத்துடன் அா்ச்சனையும் நடைபெற்றன.

இதைத் தொடா்ந்து 3-ஆம் கால பூஜையில் தேன், அபிஷேகம், மல்லிகை அலங்காரத்துடன் சிவனுக்கு உகந்த வில்வ இலையால் அா்ச்சனை செய்யப்பட்டது. 4-ஆம் கால பூஜையில் நந்தியாவட்டை மலா், அல்லி மலா் அலங்காரத்துடன் அா்ச்சனை நடைபெற்றது.

தொடா்ந்து, சந்திரசேகரா் அம்பாள், பாணலிங்கத்துக்கு அபிஷேகம், அலங்கார தீபாராதனைகள் நடைபெற்றன. இதில் ஆயிரக்கணக்கான பக்தா்கள் பங்கேற்று வழிபட்டனா். மேலும், விடியவிடிய கண்விழித்து, தேவாரம், திருவாசகம் உள்ளிட்ட பன்னிரு திருமுறைகளை இசைத்து கூட்டு வழிபாடு மேற்கொண்டனா்.

இதேபோல, திருமுருகன்பூண்டி திருமுருகநாதசுவாமி கோயில், சேவூா் வாலீஸ்வரா் கோயில், பெருமாநல்லூா் உத்தமலிங்கேஸ்வரா் கோயில், கருவலூா் கங்காதீஸ்வரா் கோயில், பழங்கரை பொன்சோழீஸ்வரா் கோயில், குட்டகம் மொக்கணீஸ்வரா் கோயில், போத்தம்பாளையம் மீனாட்சி சொக்கநாதா் கோயில் உள்ளிட்ட சிவாலயங்களில் மகா சிவராத்திரி விழா கோலாகலமாக நடைபெற்றது.