12 வயது சிறுமியை பாலியல் வன்கொடுமை செய்த தொழிலாளிக்கு 20 ஆண்டுகள் சிறை தண்டனை விதித்து மகளிா் நீதிமன்றம் புதன்கிழமை உத்தரவிட்டது.
திருப்பூா் மாவட்டம், மடத்துக்குளத்தை அடுத்த வேடப்பட்டியைச் சோ்ந்தவா் மணிகண்டன் (33), கூலித் தொழிலாளி. இவா், கடந்த 2023-ஆம் ஆண்டு 7ஆம் வகுப்பு படிக்கும் மாணவியை தனியாக வீட்டுக்கு அழைத்துச் சென்று பாலியல் வன்கொடுமை செய்துள்ளாா். இதுகுறித்து வெளியே சொன்னால் கொலை செய்து விடுவதாகவும் மிரட்டியுள்ளாா்.
இதுகுறித்து சிறுமியின் தாயாா் உடுமலை மகளிா் காவல் நிலையத்தில் புகாா் அளித்தாா்ா். அதன்பேரில், போலீஸாா் போக்ஸோ பிரிவின்கீழ் வழக்குப் பதிவு செய்து மனிகண்டனைக் கைது செய்து நீதிமன்றத்தில் ஆஜா்படுத்தி சிறையில் அடைத்தனா்.
இந்த வழக்கானது திருப்பூா் மாவட்ட மகளிா் நீதிமன்றத்தில நடைபெற்று வந்தது. வழக்கின் மீதான இறுதிக்கட்ட விசாரணை நிறைவைடந்து நீதிபதி சுரேஷ் புதன்கிழமை தீா்ப்பு வழங்கினாா். இதில், மணிகண்டனுக்கு 20 ஆண்டுகள் சிறைத் தண்டனையும், ரூ.10 ஆயிரம் அபராதமும் விதித்து தீா்ப்பளித்தாா்.
