ஆன்லைன் வா்த்தகத்தில் லாபம் தருவதாக இளம்பெண்ணிடம் ரூ. 34.48 லட்சம் மோசடி

ஆன்லைன் வா்த்தகத்தில் கூடுதல் லாபம் ஈட்டித் தருவதாக இளம்பெண்ணிடம் ரூ.34.48 லட்சம் மோசடி செய்யப்பட்டுள்ளது.

கோவை இடையா்பாளையம், குமரன் நகரைச் சோ்ந்தவா் மோனிஷா (32). இவா் ஆன்லைன் மூலம் பங்குச் சந்தையில் வா்த்தகம் செய்வது குறித்து இணையத்தில் தேடி வந்தாா்.

இந்த நிலையில், இவரது கைப்பேசியின் வாட்ஸ்அப் எண்ணுக்கு மா்ம நபா்கள் கடந்த 2024 டிசம்பா் 19-ஆம் போலி பங்குச் சந்தை செயலியை அனுப்பி உள்ளனா். அத்துடன், அந்த வாட்ஸ்அப் குழுவில் அவரை இணைத்துக் கொண்டு முன்னணி நிறுவனங்களின் பங்குகளின் பரிவா்த்தனைகள் குறித்தும் பகிா்ந்து வந்துள்ளனா்.

அதன் பின்னா் அவரைத் தொடா்பு கொண்ட மா்ம நபா், பங்குச் சந்தையில் முதலீடு செய்யும்படி கேட்டுள்ளாா். அதை நம்பிய மோனிஷா அந்த மா்ம நபா் கொடுத்த வங்கிக் கணக்குக்கு பல்வேறு பரிவா்த்தனைகள் மூலம் ரூ.34.48 லட்சம் அனுப்பி வைத்துள்ளாா்.

அப்போது அந்த மா்ம நபா் அந்தப் பணத்தை, தாங்கள் அனுப்பிய செயலியில் வரவு வைத்துள்ளாா். அதனால், முதலீட்டுடன் அதற்கான லாபப் பணமும் சோ்த்து ரூ.50 லட்சம் இருப்பதாக அந்த செயலியில் காட்டியுள்ளது.

இதையடுத்து மோனிஷா அந்தப் பணத்தை எடுக்க முயற்சித்தபோது அவரால் அந்தப் பணத்தை எடுக்க முடியவில்லை. அதனால், மோனிஷா, அந்த நபா்களைத் தொடா்பு கொண்டு கேட்டபோது, மேலும் பணம் முதலீடு செய்தால் மட்டுமே அந்தப் பணத்தை எடுக்க முடியும் எனக் கூறி இணைப்பைத் துண்டித்துள்ளனா்.

இதனால், தான் ஏமாற்றப்பட்டதை உணா்ந்த மோனிஷா, இதுகுறித்து கோவை மாநகர சைபா் கிரைம் போலீஸில் புகாா் கொடுத்தாா். அந்தப் புகாரின்பேரில் போலீஸாா் வழக்குப் பதிவு செய்து விசாரணை நடத்தி வருகின்றனா்.