ஆம்னி பேருந்து கண்ணாடி சேதம்: இளைஞா் கைது

தக்கலை அருகே ஆம்னி பேருந்து கண்ணாடியை கல்வீசி சேதப்படுத்தியதாக இளைஞரை போலீஸாா் திங்கள்கிழமை கைது செய்தனா்.

திருநெல்வேலி மாவட்டம் நான்குனேரியைச் சோ்ந்தவா் ராமச்சந்திரன் (34). ஓட்டுநரான இவா், கடந்த ஞாயிற்றுக்கிழமை களியக்காவிளையிலிருந்து சென்னைக்கு ஆம்னி பேருந்தை ஓட்டிச் சென்றாா்.

சுவாமியாா்மடம் அருகே இளைஞா்கள் ஓட்டிச்சென்ற பைக்கை அவா் முந்தினாராம். இதனால், ஆத்திரமடைந்த அவா்கள் வெள்ளிக்கோடு பகுதியில் பேருந்தை வழிமறித்து ராமச்சந்திரனைத் தாக்கியதுடன், முன்பக்கக் கண்ணாடி மீது கல்வீசினராம். இதில், கண்ணாடி சேதமடைந்தது. காயமடைந்த ராமச்சந்திரன் தக்கலை அரசு மருத்துவமனையில் சோ்க்கப்பட்டாா்.

இதுகுறித்து தக்கலை போலீஸாா் வழக்குப் பதிந்து, பைக்கை ஓட்டிவந்த குழிக்கோடு பகுதியைச் சோ்ந்த கவின் (29), பின்னால் அமா்ந்திருந்த அனிஷ் (26), சுஜின் (24) ஆகிய 3 பேரைத் தேடிவந்தனா். இந்நிலையில், கவினை போலீஸாா் திங்கள்கிழமை கைது செய்தனா்.