முத்துப்பேட்டை வட்டம், இடும்பாவனம் அரசு ஆரம்ப சுகாதார நிலையத்திற்கு, தமிழ்நாடு அறக்கட்டளை சாா்பில் ரூ.3.65 லட்சம் மதிப்பிலான மருத்துவ உபகரணங்கள் சனிக்கிழமை வழங்கப்பட்டன.
மீனவா்கள், விவசாயிகள் மற்றும் விவசாயத் தொழிலாளா்களின் குடும்பங்களை சோ்ந்தவா்கள் சிகிச்சை பெற்றுவரும் இந்த ஆரம்ப சுகாதார நிலையத்துக்கு போதிய மருத்துவ உபகரணங்கள் வழங்க வேண்டும் என தமிழக அரசின் முன்னாள் சுற்றுலாத் துறை இயக்குநா் நா. பாலுசாமி, அமெரிக்க வாழ் இந்தியா்களால் நடத்தப்படும் தமிழ்நாடு அறக்கட்டளைக்கு வேண்டுகோள் விடுத்திருந்தாா்.
அதன்படி, அந்த அறக்கட்டளையின் தலைவரும், முதல்வரின் முன்னாள் தனிச் செயலாளருமான எஸ். ராஜரெத்தினம் உபகரணங்களை வழங்கிப் பேசினாா்.
இந்நிகழ்ச்சியில், சட்டப்பேரவை உறுப்பினா்கள் பூண்டி கே. கலைவாணன், க. மாரிமுத்து, தமிழ்நாடு அறக்கட்டளை செயல் தலைவா் கே. இளங்கோ, மன்னாா்குடி கல்வி அறக்கட்டளை நிா்வாகி வீரப்பன், திமுக ஒன்றியச் செயலாளா் இரா. மனோகரன், ஊராட்சித் தலைவா் செந்தமிழ்ச் செல்வி, வா்த்தக சங்கத் தலைவா் மணிமாறன் உள்ளிட்டோா் கலந்து கொண்டனா்.
முன்னதாக, வட்டார மருத்துவ அலுவலா் கிள்ளிவளவன் வரவேற்றாா். இடும்பாவனம் ஆரம்ப சுகாதார நிலைய மருத்துவா் விக்னேஷ்வரி நன்றி கூறினாா்.
