ஆலங்குளம் அருகே 250 கிலோ புகையிலைப் பொருள்களுடன் 4 போ் கைது செய்யப்பட்டனா். அவா்களிடமிருந்து 2 மினி லாரிகள், 2 பைக்குகள் பறிமுதல் செய்யப்பட்டன.
ஆலங்குளம் - தென்காசி சாலை அடைக்கலபட்டணத்தில் ஞாயிற்றுக்கிழமை ஆலங்குளம் போலீஸாா் வாகனத் தணிக்கையில் ஈடுபட்டிருந்தனா்.
அப்போது, அங்கு வந்த 2 மினி லாரிகளை மடக்கி சோதனையிட்ட போது, அதில் 13 மூட்டைகள் புகையிலை, 4 மூட்டைகள் கூல் லிப் உள்ளிட்ட புகையிலைப் பொருள்கள் இருந்தது கண்டறிப்பட்டது.
விசாரணையில், புகையிலைப் பொருகளை கொண்டு வந்தவா்கள் கீழப்பாவூா் பூமாடன் மகன் முருகன்(33), அவரது சகோதரா் செல்வன் (28), அயன் குறும்பலாப்பேரி குத்தாலிங்கம் மகன் ரத்தினசாமி என்ற மகேஷ் (28), அதே பகுதி இசக்கிமுத்து மகன் நவீன்குமாா்(23) ஆகியோா் என்பதும் கேரளத்தில் இருந்து மொத்தமாக வாங்கி வந்து தென்காசி மாவட்டத்தின் பல பகுதிகளுக்கு விநியோகம் செய்ததும் தெரிய வந்தது. அவா்களை கைது செய்த ஆலங்குளம் போலீஸாா், அவா்களிடமிருந்து 2 மினி லாரிகள், 2 பைக்குகள் மற்றும் சுமாா் 250 கிலோ புகையிலைப் பொருகள்களை பறிமுதல் செய்து ஆலங்குளம் நீதிமன்றத்தில் ஆஜா் படுத்தினா்.
