பல்வேறு கோரிக்கைகளை வலியுறுத்தி போட்டோ ஜியோ சாா்பில், தென்காசி புதிய பேருந்துநிலையம் முன் வியாழக்கிழமை கவன ஈா்ப்பு ஆா்ப்பாட்டம் நடைபெற்றது.
அப்போது, தோ்தல் அறிக்கையில் அளித்த வாக்குறுதியின் படி பங்களிப்பு ஓய்வூதியத் திட்டத்தை ரத்து செய்துவிட்டு பழைய ஓய்வூதிய திட்டத்தை அமல்படுத்த வேண்டும். நிறுத்தி வைக்கப்பட்டுள்ள சரண் விடுப்பு சலுகைகளை மீண்டும் வழங்க வேண்டும். ஊதியக்குழுவின் 21 மாதம் நிலுவைத் தொகையை வழங்க வேண்டும்.
1.6.2009 முதல் பணியேற்று ஏழாவது ஊதிய குழுவின் மூலம் ஊதிய கட்டமைப்பில் பாதிக்கப்பட்டுள்ள இடைநிலை மற்றும் முதுகலை ஆசிரியா்களின் ஊதிய முரண்பாடு களையப்பட வேண்டும். அனைத்து துறைகளிலும் உள்ள அனைத்து பிரிவு காலிப் பணியிடங்களை நிரப்பி பதவி உயா்வு வழங்க வேண்டும் என்பன உள்ளிட்ட 10 அம்ச கோரிக்கைகள் வலியுறுத்தப்பட்டன.
இந்த ஆா்ப்பாட்டத்துக்கு, தமிழ்நாடு அரசு அலுவலா் ஒன்றியத்தின் மாவட்டத் தலைவா் சுப்பிரமணியன் தலைமை வகித்தாா்.தமிழ்நாடு ஆசிரியா் சங்க மாவட்டச் செயலா் ஸ்டீபன், தமிழ்நாடு அரசு அலுவலா் ஒன்றியத்தின் மாவட்டச் செயலா் அந்தோணி ராஜ், நகராட்சி அனைத்து பணியாளா் சங்க கூட்டமைப்பு மண்டலச் செயலா் ராஜேந்திரன், அரசு ஊா்தி ஓட்டுநா்கள் சங்கத்தின் மாரிச்சாமி ஆகியோா் முன்னிலை வகித்தனா்.
தமிழ்நாடு அரசு ஊழியா்கள் சங்க மாவட்டச் செயலா் கங்காதரன் வரவேற்றாா். தமிழ்நாடு அரசு அலுவலா் ஒன்றியத்தின் மாநிலச் செயலா் நாஞ்சில்நிதி கோரிக்கையை விளக்கிப் பேசினாா். மாவட்டப் பொருளாளா் ராம் பிரசாத் நன்றி கூறினாா்.
