செய்திகள் :

`குழந்தையை அடிப்பது, மேட்ச் பிக்சிங் காட்சிகளில் நடிக்க காரணம் இதுதான்' - நடிகர் மாதவன்

post image

YNOT ஸ்டூடியோஸ் வழங்கும் 'டெஸ்ட்' திரைப்படத்தில் நடிகை நயன்தாரா, மாதவன், சித்தார்த், மற்றும் மீரா ஜாஸ்மின் ஆகியோர் முக்கிய கதாபாத்திரத்தில் நடித்துள்ளனர்.

YNOT Studio மூலம் ‘தமிழ் படம்’, ‘விக்ரம் வேதா’, ‘இறுதிச்சுற்று’, ‘ஜகமே தந்திரம்’ உள்ளிட்ட பல்வேறு படங்களை தயாரித்த சசிகாந்த், இப்போது ‘டெஸ்ட்’ மூலம் இயக்குநராக அறிமுகமாகியுள்ளார். பிரபல சிங்கரான சக்தி ஸ்ரீ கோபாலன் இந்தப் படத்திற்கு இசையமைத்திருக்கிறார். டெஸ்ட் கிரிக்கெட்டை மையப்படுத்தி உருவாகியிருக்கும் இப்படம் ஏப்ரல் 4-ம் தேதி (இன்று) 'Netflix' ஓ.டி.டி தளத்தில் வெளியாகியிருக்கிறது.

இப்படத்தில் வில்லனாக நடித்திருக்கிறார் மாதவன். இதுகுறித்து பத்திரிகையாளர் சந்திப்பில் பேசியிருக்கும் அவர், "ஒருத்தருக்கு ஹீரோவாக இருப்பவர்கள், மற்றவர்களுக்கு வில்லனாக இருப்பார்கள். வில்லனாக இருப்பவர்கள் ஹீரோவாக இருப்பார்கள். இப்படி இந்தப் படத்தில் ஹீரோ யார், வில்லன் யார் என்பதை கதைதான் தீர்மானிக்கிறது. அதுதான் படத்தின் மையக்கதை. மேட்ச் ஃபிக்சிங் பண்ணும் வில்லனாக இதில் நடித்திருக்கேன்.

வில்லன், ஹீரோ என்றெல்லாம் எனக்குக் கணக்கில்லை, நான் ஒரு நடிகன் அவ்வளவுதான். கதை நல்லா இருந்தா எந்தக் கதாபாத்திரத்திலும் நடிப்பேன். நல்லதை மட்டுமே சொல்லி வகுப்பெடுத்து நடிக்க நான் ஒன்றும் குரு கிடையாது, நடிகன் அவ்வளவுதான்.

மாதவன்

குழந்தையை அடிக்கிற மாதிரி இந்தப் படத்துல ஒரு சீன் வரும். முதலில் அதில் நடிக்கமாட்டேனு சொன்னேன். இதுவரை நான் நடித்த படங்களில் பொம்பளைங்கள (பெண்களை) அறைஞ்சது இல்லை. ஆனால், இந்தப் படத்துல அப்படி நடிச்சிருக்கேன். அதற்குக் காரணம் கதைதான். கதைக்குத் தேவைப்பட்டது என்பதால் அப்படி நடித்தேன். நானும் வில்லன் கதாபாத்திரத்தில் நடிச்சிருக்கேன். நடிகரை நடிகராக மட்டும் பாருங்கள்" என்று வெளிப்படையாகப் பேசியிருக்கிறார்.

Good Bad Ugly: `தீனா' வசனம்; `மங்காத்தா கனெக்ட்'; சிம்ரன் சப்ரைஸ் - டிரெய்லர் ஹைலைட்ஸ்!

`குட் பேட் அக்லி' திரைப்படம் இம்மாதம் 10-ம் தேதி திரையரங்குகளில் வெளியாகிறது. அஜித் நடித்திருக்கும் இப்படத்தை அவரின் தீவிர ரசிகரான ஆதிக் ரவிச்சந்திரன் இயக்கியிருக்கிறார். Good Bad Ugly Trailer`கிரீடம்... மேலும் பார்க்க

Coolie Update: கூலி ரிலீஸ் தேதி அறிவிப்பு; இந்த தேதியைத் தேர்ந்தெடுக்க என்ன காரணம் தெரியுமா?

`வேட்டையன்' திரைப்படத்திற்குப் பிறகு ரஜினி நடித்திருக்கும் `கூலி' திரைப்படத்தின் படப்பிடிப்பு சமீபத்தில் முடிவடைந்திருந்தது. ஷூட்டிங் முடிந்தவுடன் வழக்கமாக மேற்கொள்ளப்படும் கேக் கட்டிங் தருணமும் நடந்த... மேலும் பார்க்க

தனுஷ் கால்ஷீட் விவகாரம்: "பெற்ற முன் பணத்திற்கு நடித்துத் தருவதே நியாயம்'' - Fivestar பட நிறுவனம்

நடிகர் தனுஷ் ஃபைவ் ஸ்டார் கிர்யேஷன்ஸ் பட நிறுவனத்தில் அட்வான்ஸ் பணத்தைப் பெற்றுக் கொண்டு படத்தில் நடிப்பதற்குத் தேதி கொடுக்காமல் இருக்கிறார் எனச் சில மாதங்களுக்கு முன்பு சர்ச்சை வெடித்திருந்தது. இதனை ... மேலும் பார்க்க

Dhanush : இட்லி கடை ரிலீஸ் தள்ளிவைப்பு - 'குபேரா' பர்ஸ்ட்; 'இட்லி கடை' நெக்ஸ்ட் - பரபர அப்டேட்

தனுஷ் நடிப்பில் உருவாகியிருக்கிற `இட்லி கடை' திரைப்படம் இம்மாதம் 10-ம் தேதி திரையரங்குகளில் வெளியாகவிருந்தது. ஆனால், படத்தின் 15 சதவிகித படப்பிடிப்பு இன்னும் மீதமுள்ளதால் படத்தின் ரிலீஸ் தேதி தள்ளிப்ப... மேலும் பார்க்க

அந்தகனுக்குப் பின் பிரசாந்த்தின் அதிரடி; மீண்டும் இணையும் கூட்டணி! - பிரசாந்த் பிறந்தநாள் அப்டேட்

டாப் ஸ்டார் பிரசாந்த்திற்கு கடந்த 2024 ராசியான ஆண்டு. ஹீரோவாக 'அந்தகன்', விஜய்யின் நண்பராக 'தி கிரேடஸ்ட் ஆஃப் ஆல் டைம்' என இரண்டு படங்கள் அவருக்கு வெளியாகின. இரண்டிலுமே பிரசாந்தின் கம்பேக் படங்களாக அம... மேலும் பார்க்க

Vikram: ``வாழ்க்கையில் எவ்வளோ பிரச்னை..!" - வருத்தத்துடன் வீடியோ வெளியிட்ட விக்ரம்!

அருண்குமார் இயக்கத்தில் விக்ரம், எஸ்.ஜே.சூர்யா, பிருத்வி, சூரஜ் வெஞ்சாரமூடு, துஷாரா உள்ளிட்டோர் நடிப்பில் உருவாகியிருக்கும் திரைப்படம் 'வீர தீர சூரன் பாகம் -2'. பல்வேறு தடைகளுக்குப் பிறகு கடந்த வியாழக... மேலும் பார்க்க