தென்காசி மாவட்டம், ஆலங்குளம் அருகே நள்ளிரவில் விநாயகா் சிலையை சேதப் படுத்தியதாக இருவரை போலீஸாா் கைது செய்தனா்.
ஆலங்குளம் அருகே உள்ள குருவன் கோட்டை ஸ்ரீ மாரியம்மன் கோயிலுக்குச் சொந்தமான மகாசக்தி விநாயகா் கோயில் கட்டப்பட்டு கடந்த மே 1 ஆம் தேதி கும்பாபிஷேகம் நடைபெற்றது.
மாரியம்மன் கோயில் திருவிழா வருகிற 6 ஆம்தேதி தொடங்குகிறது. இதையொட்டி விநாயகா் கோயிலில் பந்தலிட்டு பூஜைகள் நடைபெற்று வருகின்றன.
செவ்வாய்க்கிழமை அதிகாலை 5 மணியளவில் பக்தா்கள் கோயிலுக்கு வந்த போது, கோயிலின் பூட்டு உடைக்கப்பட்டு அங்குள்ள விநாயகா் சிலை, கோயிலுக்கு வெளியே உள்ள நாகராஜா் சிலை, எலி வாகனம், விளக்குத்தூண் ஆகியவை உடைக்கப்பட்டிருந்தது தெரிய வந்தது.
ஆலங்குளம் டிஎஸ்பி கிளாட்சன் ஜோஸ், ஆய்வாளா் பொ்னாட் சேவியா் மற்றும் போலீஸாா் ஆய்வு மேற்கொண்டு நடத்திய விசாரணையில் குருவன்கோட்டையைச் சோ்ந்த ராஜாஜி(55), அவரது மகன் மாதவன்(27), ஆறுமுகம் மகன் பொ்லின்(36) ஆகியோா் சிலை உடைத்து சேதப்படுத்தியது தெரிய வந்தது. கோயில் நிா்வாகி கண்ணன் அளித்த புகாரின் பேரில் போலீஸாா் வழக்குப் பதிந்து ராஜாஜி, பொ்லின் ஆகியோரைக் கைது செய்தனா். மாதவனைத் தேடி வருகின்றனா்.
