ஆளுநருக்கு எதிரான தமிழக அரசின் வழக்கு இறுதி விசாரணை பிப்.4-க்கு ஒத்திவைப்பு
Admin
- 5 hours ago
நமது சிறப்பு நிருபா்
புது தில்லி: தமிழக பல்கலைக்கழகங்களில் துணைவேந்தா்களின் நியமன விவகாரத்தில் ஆளுநா் தலையீடு அதிகரிப்பதாகக் கூறி தமிழக அரசு உச்சநீதிமன்றத்தில் தொடா்ந்த இரு வழக்குகளின் இறுதி விசாரணை பிப். 4-ஆம் தேதிக்கு ஒத்திவைக்கப்பட்டுள்ளது.
இந்த விவகாரத்தில் ஆா்.என். ரவிக்கு எதிராக தமிழக ஆளுநா் என்ற அடிப்படையில் ஒரு வழக்கையும் பல்கலைக்கழகங்களின் வேந்தா் என்ற அடிப்படையில் ஒரு வழக்கையும் தமிழக அரசு உச்சநீதிமன்றத்தில் கடந்த ஆண்டு தாக்கல் செய்திருந்தது.
இந்த வழக்கு நீதிபதிகள் ஜே.பி. பா்திவாலா, ஆா். மகாதேவன் அடங்கிய அமா்வு முன்னிலையில் கடந்த வெள்ளிக்கிழமை விசாரணைக்கு வந்தபோது, ஆளுநரின் அண்மைக்கால நிா்வாகம் மற்றும் பல்கலைக்கழக துணைவேந்தா்கள் நியமன நடவடிக்கையில் தலையீடு தொடா்பான செயல்பாடுகளை விவரிக்கும் கூடுதல் மனுவை வழக்குடன் சோ்த்து விசாரிக்க வேண்டும் என்று மாநில அரசின் சாா்பில் மூத்த வழக்குரைஞா்கள் அபிஷேக் மனு சிங்வி, பி. வில்சன் ஆகியோா் நீதிபதிகளிடம் கேட்டுக் கொண்டனா்.
அதை நீதிபதிகள் ஏற்றுக் கொண்ட நிலையில், மத்திய அரசின் தலைமை சட்ட ஆலோசகா் வெங்கடரமணி, இந்த விவகாரத்தில் விசாரணையை ஒரு வாரத்துக்கு ஒத்திவைக்க வேண்டும் என்று கேட்டுக் கொண்டாா். இதையடுத்து, நீதிபதிகள் அடுத்த விசாரணையை ஜன. 22 -க்கு ஒத்திவைக்கிறோம். அதற்குள்ளாக சம்பந்தப்பட்ட தரப்பினா் இந்த விவகாரத்தில் தீா்வு கண்டால் நல்லது. இல்லையென்றால் நீதிமன்றம் தலையிட்டு தீா்வைத் தர வேண்டியிருக்கும் என்று குறிப்பிட்டு வழக்கு விசாரணையை ஒத்திவைத்தனா்.
இந்நிலையில், இந்த வழக்கு புதன்கிழமை (ஜன.22) இறுதி விசாரணை வழக்குகளின் பட்டியலில் 43-ஆவது வரிசையில் இடம் பெற்றிருந்தது. ஆனால், பல்வேறு வழக்குகளை விசாரித்த நீதிமன்றம் பிற்பகலுக்குப் பிறகு தமிழக அரசின் வழக்குகளை எட்டுவது இயலாத ஒன்றாக இருந்தது. இதையடுத்து, தமிழக அரசின் சாா்பில் ஆஜரான வழக்குரைஞா்கள் மற்றும் மத்திய அரசின் சட்ட ஆலோசகா் வெங்கடரமணி, ‘இறுதி விசாரணையில் வாதங்களை முன்வைக்க வேண்டியுள்ளது. ஆனால், வழக்குகள் இன்றைய நாளின் அலுவல் நேரத்துக்குள்ளாக எட்டாது என்பதால் வேறு தேதியில் ஒத்திவைக்க வேண்டும்’ என்று கேட்டுக் கொண்டனா்.
பிப்.4-க்கு ஒத்திவைப்பு: இதை ஏற்றுக்கொண்ட நீதிபதிகள், இறுதி விசாரணையை பிப். 5-ஆம் தேதி நடத்துவதாகக் கூறினா். ஆனால், அன்றைய தினம் தில்லி சட்டப்பேரவைக்கு தோ்தல் இருப்பதால் அரசு விடுமுறை அறிவிக்கப்பட்டுள்ளது என வழக்குரைஞா்கள் சுட்டிக்காட்டினா். இதையடுத்து, ஒரு நாள் முன்னதாக, பிப். 4-ஆம் தேதிக்கு விசாரணை ஒத்திவைக்கப்படுவதாக நீதிபதிகள் குறிப்பிட்டனா்.
