மகாராஷ்டிர மாநிலத்தில் நடைபெற்ற ஃபிடே மகளிா் கிராண்ட் ப்ரீ 2024-25 செஸ் போட்டியின், இந்தியா மீட்டில் இந்தியாவின் கோனெரு ஹம்பி புதன்கிழமை வெற்றி பெற்றாா்.
போட்டியின் 9 சுற்றுகள் முடிவில் அவரும், சீனாவின் ஜு ஜினரும் தலா 7 புள்ளிகளுடன் சமநிலையில் இருக்க, ‘சுப்பீரியா் டை பிரேக்கா்’ முறையில் கோனெரு ஹம்பி வென்ாக அறிவிக்கப்பட்டாா். போட்டியில் கோனெரு ஹம்பி தோல்வியே சந்திக்காத நிலையில், ஜினா் 1 தோல்வி கண்டுள்ளது குறிப்பிடத்தக்கது.
முன்னதாக போட்டியின் கடைசி சுற்றில் கோனெரு ஹம்பி - பல்கேரியாவின் நா்கியுல் சலிமோவாவை வெல்ல, ஜு ஜினா் - ரஷியாவின் பாலினா ஷுவாலோவாவை தோற்கடித்தாா்.
இந்தியாவின் ஆா்.வைஷாலி - ஜாா்ஜியாவின் சலோமி மெலியாவுடனும், திவ்யா தேஷ்முக் - போலந்தின் அலினா கஷ்லின்ஸ்கயாவுடனும், டி.ஹரிகா - மங்கோலியாவின் பக்துயாக் முங்குந்துலுடனும் ‘டிரா’ செய்தனா்.
போட்டியின் முடிவில் புள்ளிகள் பட்டியலில், கோனெரு ஹம்பி 5 வெற்றி, 4 டிரா என 7 புள்ளிகளுடன் முதலிடம் பிடிக்க, ஜு ஜினா் 6 வெற்றி, 2 டிரா, 1 தோல்வி என அதே 7 புள்ளிகளுடன் 2-ஆம் இடம் பிடித்தாா்.
திவ்யா தேஷ்முக் 5.5 புள்ளிகளுடன் 3-ஆம் இடமும், டி.ஹரிகா 4.5 புள்ளிகளுடன் 4-ஆம் இடமும் பிடித்தனா். பாலினா (4.5), இந்தியாவின் ஆா்.வைஷாலி (4), நா்கியுல் சலிமோவா (3.5), சலோமி மெலியா (3), அலினா கஷ்லின்ஸ்கயா (3), பக்துயாக் (3) ஆகியோா் முறையே 5 முதல் 10-ஆவது இடங்களைப் பிடித்தனா்.
ஃபிடே மகளிா் கிராண்ட் ப்ரீயில் மொத்தம் 6 மீட்கள் இருக்கும் நிலையில், 5-ஆவது மீட்டில் கோனெரு ஹம்பி வென்றிருக்கிறாா். கடைசி மீட் ஆஸ்திரியாவில் மே மாதம் நடைபெறவுள்ளது.
