அழுக்கு படிந்த காரில் எழுதியதாக சிறுவன் மீது தாக்குதல்! இருவருக்கு கத்திக்குத்து...
விண்வெளிக்கு மனிதா்களை அனுப்புவதற்கான முன்னோட்ட முயற்சியாக செயல்படுத்தப்பட உள்ள ஸ்பேடெக்ஸ் ஆய்வுத் திட்டம் இறுதிக்கட்டத்தை எட்டியுள்ளது.
அதன்படி அந்த விண்கலன்கள் பெங்களூரில் வடிமைக்கப்பட்டு, ஆந்திர மாநிலம் ஸ்ரீஹரிகோட்டாவுக்கு விண்ணில் ஏவுவதற்காக அனுப்பப்பட்டுள்ளன.
அவற்றை ராக்கெட்டின் 4-ஆம் நிலையில் நிறுவும் பணிகள் தற்போது நடைபெற்று வருகின்றன.
பாரதிய அந்தரிக்ஷா ஸ்டேஷன் எனும் இந்திய ஆய்வு மையத்தை 2035-க்குள் விண்ணில் நிறுவ இஸ்ரோ திட்டமிட்டுள்ளது. அதற்கான முன்னேற்பாடுகள் நடைபெற்று வருகின்றன. அதன் ஒரு பகுதியாக ஸ்பேடெக்ஸ் திட்டம் (நடஅஈஉல–நல்ஹஸ்ரீங் ஈா்ஸ்ரீந்ண்ய்ஞ் உஷ்ல்ங்ழ்ண்ம்ங்ய்ற்) தற்போது செயல்படுத்தப்பட உள்ளது. இந்தத் திட்டத்தின்படி விண்வெளியில் விண்கலன்களை ஒருங்கிணைக்கும் ஆய்வுப் பணிகள் மேற்கொள்ளப்பட உள்ளன.
இதற்காக தலா 400 கிலோ எடை கொண்ட சேசா் மற்றும் டாா்கெட் எனும் 2 விண்கலன்களை இஸ்ரோ வழிகாட்டுதலில் தனியாா் நிறுவனம் வடிவமைத்துள்ளது. இந்த இரட்டை விண்கலன்கள் பிஎஸ்எல்வி சி-60 ராக்கெட் வாயிலாக ஸ்ரீஹரிகோட்டாவில் உள்ள ஏவுதளத்தில் இருந்து விண்ணில் செலுத்தப்பட உள்ளன. இந்த விண்கலன்கள் புவியில் இருந்து சுமாா் 700 கி.மீ. தொலைவில் வெவ்வேறு சுற்றுப்பாதைகளில் நிலைநிறுத்தப்பட உள்ளன.
விண்வெளி ஆய்வு மையம்: அதன் பின்னா் ஒன்றோடு ஒன்று அவை ஒருங்கிணைக்கப்படும். மனிதா்களை விண்ணுக்கு அனுப்பும்போது ஒரு விண்கலத்திலிருந்து மற்றொன்றுக்கு அவா்கள் மாறுவதற்கும், எரிபொருளை மாற்றிக்கொள்வதற்கும் இந்தத் தொழில்நுட்பம் பயன்படும். இந்தத் திட்டத்தை வெற்றிகரமாக முன்னெடுக்கும் நிலையில் அமெரிக்காவைப் போன்று விண்வெளியில் இந்தியாவாலும் ஆய்வு மையத்தை அமைக்க முடியும்.
தற்போது ராக்கெட் பாகங்கள் ஒருங்கிணைப்பு, அதில் விண்கலன்களை பொருத்துதல் உள்ளிட்ட பணிகளில் விஞ்ஞானிகள் ஈடுபட்டுள்ளனா். திட்ட ஆய்வுக் குழுவின் ஒப்புதல் கிடைத்தவுடன் ஏவுதலுக்கான செயல்பாடுகள் முன்னெடுக்கப்படும் எனத் தெரிகிறது. டிச.30-இல் அந்தத் திட்டம் செயல்படுத்தப்படலாம் என முதல்கட்டத் தகவல்கள் தெரிவிக்கின்றன.
