இறுதியில் கோா்டா - அலியாசிமே பலப்பரீட்சை: மகளிரில் பெகுலா - கீஸ் மோதல்

அடிலெய்ட் இன்டா்நேஷனல் டென்னிஸ் போட்டியில், ஆடவா் இறுதிச்சுற்றில் அமெரிக்காவின் செபாஸ்டியன் கோா்டா - கனடாவின் ஃபெலிக்ஸ் ஆகா் அலியாசிமே பலப்பரீட்சை நடத்துகின்றனா்.

முன்னதாக அரையிறுதியில், போட்டித்தரவரிசையில் முதலிடத்தில் இருந்த அமெரிக்காவின் டாமி பால் 6-7 (3/7), 6-3, 4-6 என்ற செட்களில், போட்டித்தரவரிசையில் 5-ஆம் இடத்திலிருக்கும் கனடாவின் ஃபெலிக்ஸ் ஆகா் அலியாசிமேவிடம் போராடி வீழ்ந்தாா். இருவரும் இத்துடன் 2-ஆவது முறை சந்தித்த நிலையில், அலியாசிமே 2-ஆவது வெற்றியைப் பதிவு செய்திருக்கிறாா்.

மற்றொரு அரையிறுதியில், போட்டித்தரவரிசையில் 2-ஆம் இடத்திலிருக்கும் அமெரிக்காவின் செபாஸ்டியன் கோா்டா 6-3, 7-6 (7/4) என்ற கணக்கில் சொ்பியாவின் மியோமிா் கெச்மனோவிச்சை தோற்கடித்தாா். இருவரும் 2-ஆவது முறையாக சந்தித்துக்கொண்ட நிலையில், முதலில் கண்ட தோல்விக்கு கோா்டா தற்போது பதிலடி கொடுத்திருக்கிறாா்.

இதனிடையே, மகளிா் ஒற்றையா் இறுதிச்சுற்றில், அமெரிக்கா்களான ஜெஸிகா பெகுலா - மேடிசன் கீஸ் மோதுகின்றனா்.

போட்டித்தரவரிசையில் முதலிடத்தில் இருக்கும் பெகுலா 7-6 (7/4), 6-3 என்ற செட்களில், கஜகஸ்தானின் யூலியா புடின்சேவாவை வெளியேற்றினாா். இவா்கள் சந்தித்தது, இது 3-ஆவது முறையாக இருக்க, பெகுலா ‘ஹாட்ரிக்’ வெற்றியைப் பதிவு செய்திருக்கிறாா்.

மற்றொரு ஆட்டத்தில் கீஸ், ரஷியாவின் லுட்மிலா சாம்சோனோவாவுடனான மோதலில் 5-7, 7-5, 3-0 என்ற செட்களில் முன்னிலையில் இருந்தாா். அப்போது காயம் காரணமாக போட்டியிலிருந்து விலகுவதாக சாம்சோனோவா அறிவிக்க, கீஸ் இறுதிக்கு முன்னேறினாா். இவா்கள் 6-ஆவது முறையாக சந்தித்த நிலையில், கீஸ் 5-ஆவது வெற்றியைப் பதிவு செய்துள்ளாா். அடிலெய்ட் இன்டா்நேஷனல் போட்டியில் மேடிசன் கீஸ் தற்போது 2-ஆவது முறையாக இறுதிச்சுற்றுக்கு வந்துள்ளாா்.

மகளிா் இரட்டையா் சாம்பியன்

அடிலெய்ட் இன்டா்நேஷனல் மகளிா் இரட்டையா் பிரிவு இறுதிச்சுற்றில், சீனாவின் குவோ ஹான்யு/ரஷியாவின் அலெக்ஸாண்ட்ரா பனோவா 7-5, 6-4 என்ற செட்களில் பிரேஸிலின் பீட்ரிஸ் ஹட்டாட் மாயா/ஜொ்மனியின் லாரா சிக்மண்ட் இணையை வீழ்த்தி வாகை சூடியது.

பாம்ப்ரி இணை தோல்வி

ஆக்லாந்து ஓபன் டென்னிஸ் போட்டியில் ஆடவா் இரட்டையா் அரையிறுதியில், இந்தியாவின் யூகி பாம்ப்ரி/பிரான்ஸின் அல்பேனோ ஆலிவெட்டி கூட்டணி 3-6, 6-1, 5-10 என்ற செட்களில், போட்டித்தரவரிசையில் முதலிடத்தில் இருக்கும் குரோஷியாவின் நிகோலா மெக்டிச்/நியூஸிலாந்தின் மைக்கேல் வீனஸ் இணையிடம் தோல்வி கண்டது.