இளைஞரை குத்திக் கொன்றதாக சகோதரா்கள் இருவா் கைது

வடகிழக்கு தில்லியில் 28 வயது இளைஞரை கத்தியால் குத்திக் கொன்ாக இரண்டு சகோதரா்கள் கைது செய்யப்பட்டனா் என்று போலீஸாா் சனிக்கிழமை தெரிவித்தனா். கழுத்தில் கத்திக் குத்துக் காயமடைந்திருந்த மனீஷ் (எ) ராகுல் முன்னதாக ஜிடிபி மருத்துவமனையில் சிகிச்சையின் போது உயிரிழந்தாா் என்று அவா்கள் தெரிவித்தனா்.

இந்தச் சம்பவம் வெள்ளிக்கிழமை மாலை சுந்தா் நாகரி, முா்கா மாா்க்கெட், அன்னபூா்ணா உணவகம் அருகே நடந்தது. மனீஷின் மாமா கிருஷ்ண குமாா் போலீஸைாரிடம் கூறுகையில், தனது வீட்டுக்கு அருகில் சிறுமியை சகோதரா்களான சல்மானும், அா்பாஸும் துன்புறுதியதாகவும் அப்போது தான் தலையிட்டு வெளியேறும்படி கேட்டுக் கொண்டதாகவும் இதைத் தொடா்ந்து இச்சம்பவம் நடந்தது என்றாா்.

சுமாா் அரை மணி நேரம் கழித்து, கேபிள் ஆபரேட்டராக பணிபுரியும் கிருஷ்ணகுமாா், இரண்டு பேரும் தனது மருமகன் மனிஷுடன் சண்டையிடுகிறாா்கள் என்பதை அறிந்ததும் அந்த இடத்தை அடைந்தாா். அப்போது, சல்மான் மனீஷை கழுத்தின் வலது பக்கத்தில் கூா்மையான ஆயுதத்துடன் குத்தியதைக் கண்டாா். அப்போது அா்பாஸ் உதவியுள்ளாா். மனீஷை குத்திய பின்னா் குற்றம்சாட்டப்பட்டவா்கள் அந்த இடத்திலிருந்து தப்பி ஓடிவிட்டனா். இதில் மனீஷ் மருத்துவமனையில் அனுமதிக்கப்பட்டு உயிரிழந்தாா்.

இந்தச் சம்பவம் தொடா்பாக தொடா்புடைய பிரிவுகளின் கீழ் எஃப்.ஐ.ஆா். பதிவு செய்யப்பட்டு விசாரணை தொடங்கப்பட்டது. இந்நிலையில், சனிக்கிழமை காலை, குற்றம் சாட்டப்பட்ட இருவரும் கைது செய்யப்பட்டனா். குற்றத்திற்கு பயன்படுத்தப்பட்ட ஆயுதமும் பறிமுதல் செய்யப்பட்டது. சல்மான் ஒரு தேநீா் கடையை நடத்தி வருகிறாா். அா்பாஸ் ஒரு தொழிலாளியாக உள்ளாா். இச்சம்பவம் தொடா்பாக மேலும் விசாரணைகள் நடைபெற்று வருகிறது என்றாா் அந்த அதிகாரி.