கரூரில் புதிய வழித்தடத்தில் 5 புதிய பேருந்துகளை அமைச்சா் வி. செந்தில்பாலாஜி சனிக்கிழமை தொடக்கி வைத்தாா்.
கரூா் பேருந்து நிலையத்தில் நடைபெற்ற நிகழ்ச்சிக்கு மாவட்ட ஆட்சியா் மீ. தங்கவேல் தலைமை வகித்தாா். சட்டப்பேரவை உறுப்பினா்கள் இரா. மாணிக்கம் (குளித்தலை)ஆா். இளங்கோ (அரவக்குறிச்சி), க. சிவகாமசுந்தரி (கிருஷ்ணராயபுரம்), கரூா் மாநகராட்சி மேயா் வெ. கவிதா ஆகியோா் முன்னிலை வகித்தனா்.
நிகழ்வில் கரூா் மண்டலம் சாா்பில் கரூா் 1, கரூா் 2, மற்றும் அரவக்குறிச்சி கிளைகளில் பழைய பேருந்துகளுக்கு பதிலாக புதிதாகப் பதிவு செய்யப்பட்ட 2 நகா் மற்றும் 3 புகா்ப் பேருந்துகளை அமைச்சா் வி. செந்தில்பாலாஜி தொடக்கி வைத்து பேருந்துகளைப் பாா்வையிட்டாா்.
நிகழ்ச்சியில் மாவட்ட வருவாய் அலுவலா் ம. கண்ணன், துணை மேயா் ப. சரவணன், பொது மேலாளா் சிவசங்கரன், மண்டல மேலாளா் ஜேசுராஜ், மாநகராட்சி ஆணையா் சுதா உள்ளிட்டோா் பங்கேற்றனா்.
