தில்லி பேரவைத் தோ்தல்: ஒருங்கிணைப்புக் குழு உறுப்பினா்களை அறிவித்தது பாஜக

வரும் ஆண்டு பிப்ரவரியில் தில்லியில் சட்டப் பேரவைத் தோ்தல் நடைபெறவுள்ள நிலையில், 23 போ் கொண்ட மாநில தோ்தல் ஒருங்கிணைப்புக் குழுவில் இடம்பெறும் உறுப்பினா்களின் பெயா்களை தில்லி பாஜக அறிவித்துள்ளது.

இது தொடா்பாக பாஜக தெரிவித்திருப்பதாவது:

மாநில பாஜக தலைவா் வீரேந்திர சச்தேவா தலைமையிலான இக்குழுவில், மத்திய இணை அமைச்சரும், கிழக்கு தில்லி எம்பியுமான ஹா்ஷ் மல்ஹோத்ரா ஒருங்கிணைப்பாளராக இருப்பாா்.

பாஜக தேசிய பொதுச் செயலா் துஷ்யந்த் கெளதம், வடகிழக்கு தில்லி எம்பி மனோஜ் திவாரி மற்றும் மூத்த தலைவா் அரவிந்தா் சிங் லவ்லி ஆகியோா் குழுவின் இணை ஒருங்கிணைப்பாளா்களாக இருப்பாா்கள்.

முன்னாள் மத்திய அமைச்சா் ஹா்ஷ் வா்தன், தில்லி சட்டப் பேரவை எதிா்க்கட்சித் தலைவா் விஜேந்தா் குப்தா மற்றும் கட்சியின் எம்.பி.க்கள் ராம்வீா் சிங் பிதூரி, யோகேந்திர சந்தோலியா, பான்சூரி ஸ்வராஜ், கமல்ஜீத் ஷெராவத் மற்றும் பிரவீன் கண்டேல்வால் ஆகியோா் குழுவின் இதர உறுப்பினா்களாக ஆவா்.

தில்லி பாஜக முன்னாள் தலைவா் சதீஷ் உபாத்யாய், பாஜக தேசிய செயலாளா் மஞ்சிந்தா் சிங் சிா்சா, எம்எல்ஏ அபய் வா்மா, முன்னாள் மேயா் ஜெய் பிரகாஷ் ஆகியோரும் இக்குழுவில் இடம்பெற்றுள்ளனா் என்று பாஜக தெரிவித்துள்ளது.

70 உறுப்பினா்களை கொண்ட தில்லி சட்டப்பேரவைக்கு நடைபெறும் தோ்தலில் ஆளும் ஆம் ஆத்மி கட்சியை வெல்வதற்கு பாஜக மும்முரம் காட்டி வருகிறது.

கடைசியாக 1993-ம் ஆண்டு தில்லி சட்டப்பேரவைத் தோ்தலில் பாஜக வெற்றி பெற்றிருந்தது. அரவிந்த் கேஜரிவால் தலைமையிலான ஆம் ஆத்மி கட்சி (ஏஏபி) 2015 மற்றும் 2020 தோ்தல்கள் முறையே 67 மற்றும் 62 இடங்களை ஆம் ஆத்மி வென்றது.

இத்தோ்தலில் பாஜக சில இடங்களில் மட்டுமே வெற்றிருந்தது. இத்தோ்தல்களில் காங்கிரஸ் கடுமையான தோல்வியைச் சந்தித்தது.