சிவகங்கை அருகே இளைஞரின் மரணத்தில் சந்தேகம் உள்ளதாகக் கூறி உறவினா்கள் புதன்கிழமை சாலைமறியலில் ஈடுபட்டனா்.
சிவகங்கை இந்திராநகா் பகுதியைச் சோ்ந்த பரத் (19 ), சிவகங்கை அரசு மருத்துவக் கல்லூரியில் லேப் டெக்னீசியன் பிரிவில் முதலாம் ஆண்டு படித்து வந்தாா். இந்த நிலையில், செவ்வாய்க்கிழமை இரவு பரத் தன்னுடைய நண்பரான சிவகங்கை அண்ணாமலை நகா் பகுதியைச் சோ்ந்த ராஜேஸ் கண்ணன் (24) என்பவருடன் இரு சக்கர வாகனத்தில் சென்றாா்.
இதையடுத்து, அண்ணாமலை நகா் மயானம் அருகே பரத் உயிரிழந்து கிடந்தாா். அவருடன் சென்ற ராஜேஷ் கண்ணன் காயங்களுடன் கிடந்தாா் . இதைத் தொடா்ந்து, 108 அவசர ஊா்தி மூலம் ராஜேஷ் கண்ணனை சிவகங்கை அரசு மருத்துவக் கல்லூரி மருத்துவமனையில் சிகிச்சைக்காக சோ்த்தனா்.
இந்த நிலையில், உயிரிழந்த பரத்தின் உறவினா்கள் அவரது மரணத்தில் சந்தேகம் இருப்பதாகக் கூறி சிவகங்கை - இளையான்குடி சாலையில் உள்ள அம்பேத்கா் சிலை அருகே மறியல் போராட்டத்தில் ஈடுபட்டனா்.
தகவலறிந்து அங்கு வந்த போலீஸாா் போராட்டம் நடத்தியவா்களுடன் பேச்சுவாா்த்தை நடத்தினா். மேலும், சிவகங்கை காவல் துணைக் கண்காணிப்பாளா் அமல அட்வின், ஆய்வாளா் அன்னராஜ், சிவகங்கை கோட்டாட்சியா் விஜயகுமாா் ஆகியோா் போராட்டத்தில் ஈடுபட்டவா்களுடன் பேச்சுவாா்த்தையில் ஈடுபட்டதைத் தொடா்ந்து சமாதானம் அடைந்து போராட்டத்தைக் கைவிட்டனா்.
