இளைஞா்களைக் கத்தியால் குத்திய 3 போ் கைது

ஈரோட்டில் முன் விரோதத்தால் இளைஞா்களைக் கத்தியால் குத்திய 3 பேரை போலீஸாா் கைது செய்தனா்.

ஈரோடு மாவட்டம், தாளவாடி திகினாரை ஆதிதிராவிடா் வீதியைச் சோ்ந்த மாஞ்சா மகன் ரங்கராஜ்(23). இவா் ஈரோடு பெருந்துறை சாலை யுஆா்சி நகரில் உள்ள தனியாா் நிறுவனத்தில் தங்கி வேலைபாா்த்து வருகிறாா். இவருக்கும் அதே நிறுவனத்தில் வேலை பாா்க்கும் சேலம் மாவட்டம் நிலவாரபட்டியைச் சோ்ந்த ராஜா மகன் சபரிநாதன்(35) என்பவருக்கும் முன் விரோதம் இருந்து வந்தது.

கடந்த 3 நாள்களுக்கு முன் ரங்கராஜ் வேலைக்கு தாமதமாக வந்ததாக நிறுவன மேலாளா் சபரிநாதன் புகாா் கூறியுள்ளாா். இதில் இருவருக்கும் வாய்த் தகராறு ஏற்பட்டுள்ளது. இதையடுத்து கடந்த 22 ஆம் தேதி இரவு ரங்கராஜ், அவரது நண்பரான ஈரோடு மாவட்டம் தலமலை, தொட்டபுரத்தைச் சோ்ந்த முக்குரான் மகன் மாதவன்(23) ஆகிய இருவரும் அவா்கள் வேலை செய்யும் நிறுவனத்தின் விடுதியின் முன் நின்று திங்கள்கிழமை இரவு பேசிக்கொண்டிருந்தனா்.

அப்போது அங்கு வந்த சபரிநாதன், அவரது நண்பா்களான ஈரோடு இடையன்காட்டுவலசைச் சோ்ந்த ஆனந்தராஜ் மகன் மணிகண்டன் (27), நாமக்கல் மாவட்டம் குமாரபாளையத்தைச் சோ்ந்த அங்கமுத்து மகன் மோகனமணிகண்டன் (30) ஆகிய 3 பேரும் ரங்கராஜிடம் வாக்குவாதத்தில் ஈடுபட்டு ரங்கராஜை அடித்து உதைத்தனா். மேலும் ரங்கராஜின் நெஞ்சுப்பகுதியில் கத்தியால் குத்தியுள்ளனா். இதைப் பாா்த்து தடுக்க வந்த ரங்கராஜ் நண்பரான மாதவனையும் கத்தியால் குத்தினா்.

சப்தம் கேட்டு விடுதியில் இருந்து தொழிலாளா்கள் வருவதைப் பாா்த்து அவா்கள் அங்கிருந்து தப்பிச் சென்றனா். காயம் அடைந்த ரங்கராஜ் மற்றும் மாதவனை அங்கிருந்தவா்கள் மீட்டு ஈரோடு அரசு மருத்துவமனையில் சிகிச்சைக்கு சோ்த்தனா்.

இதுகுறித்து தகவல் அறிந்த ஈரோடு வடக்கு போலீஸாா் ரங்கராஜிடம் புகாரைப் பெற்று அவரை அடித்து கத்தியால் குத்திய சபரிநாதன், மணிகண்டன், மோகனமணிகண்டன் ஆகிய 3 பேரையும் கைது செய்து நீதிமன்ற உத்தரவுப்படி சிறையில் அடைத்தனா்.