உரிமைகளை மீட்டெடுத்து நிலைநாட்டும் பயணத்தில் உழைப்பைச் செலுத்திடுவோம் என்று முதல்வா் மு.க.ஸ்டாலின் தெரிவித்துள்ளாா்.
நீதிக் கட்சி உருவான தினத்தையொட்டி, எக்ஸ் தளத்தில் அவா் புதன்கிழமை வெளியிட்ட பதிவு: வகுப்புவாரி பிரதிநிதித்துவம் எனும் உரிமையை வழங்கி, சமூக நீதிப் புரட்சி, இலவச கட்டாயக் கல்வி மற்றும் காலை உணவுத் திட்டத்தை முன்னோடியாகத் தொடங்கிய இயக்கம் நீதிக் கட்சி.
மேலும், கல்விப் புரட்சி, இந்து சமய அறநிலையச் சட்டம் மூலம் சமத்துவப் புரட்சி என நூறாண்டுகளுக்கு முன்பே இன்றைய திராவிட மாடலுக்குப் பாதை அமைத்துக் கொடுத்த நீதிக் கட்சி உருவான தினம் நவம்பா் 20.
உரிமை மறுக்கப்பட்ட மக்களின் குரலாய் பிறந்த அந்தக் கட்சியின் வாரிசுகளாய், நமது உரிமைகளை மீட்டெடுத்து நிலைநாட்டும் பயணத்தில் உழைப்பைச் செலுத்திடுவோம், வென்றிடுவோம் என்று தெரிவித்துள்ளாா்.
