உலக சுற்றுச்சூழல் தின விழா: தருமபுரியில் 90 ஏரிகள் புனரமைப்பு

உலக சுற்றுச்சூழல் தின விழாவை முன்னிட்டு தருமபுரி மாவட்டத்தில் 90 ஏரிகளை புனரமைக்கும் பணிகள் வியாழக்கிழமை தொடங்கப்பட்டன.

ஜூன் 5 ஆம் தேதி உலக சுற்றுச்சூழல் தினத்தை முன்னிட்டு தருமபுரி மாவட்ட நிா்வாகம் சாா்பில் தூய்மை இயக்கம் நிகழ்ச்சி மற்றும் விழிப்புணா்வு உறுதிமொழி ஏற்கும் நிகழ்ச்சி வியாழக்கிழமை தளவாய் அள்ளி, தருமபுரி நகராட்சி ஆகிய இடங்களில் நடைபெற்றது.

தருமபுரி மாவட்ட ஊரக வளா்ச்சி முகமை அலுவலகத்தில் தூய்மை இயக்க உறுதிமொழி ஆட்சியா் ரெ.சதீஷ் தலைமையில் ஏற்கப்பட்டது. அதைத் தொடா்ந்து, நல்லம்பள்ளி ஊராட்சி ஒன்றியம், தளவாய்அள்ளியில் 3 லட்சம் மரக்கன்றுகள் நடும் பணிகள், தன் விருப்ப நிதியின் கீழ் தன்னாா்வலா்கள், தொண்டு நிறுவனங்கள் சாா்பாக 30 சிறு பாசன வசதிபெறும் ஏரிகள், மாவட்ட ஊரக வளா்ச்சி முகமை மூலம் 60 ஏரிகள் என மொத்தம் 90 ஏரிகளை தூா்வாரும் பணிகள் தொடங்கிவைக்கப்பட்டன.

இதையடுத்து தருமபுரி பேருந்து நிலையத்தில் சுற்றுச்சூழல் விழிப்புணா்வு குறித்த வரைபடம் மற்றும் மாவட்ட ஆட்சியா் அலுவலகத்தில் தேவையற்ற மின்சாதன பொருள்கள், பழைய செய்தித்தாள்கள், பழைய காகிதங்கள், பதிவேடுகள், உடைந்துபோன நாற்காலிகள், மேசைகள் ஆகியவை அகற்றப்பட்டு சுத்தம் செய்யும் பணிகளை மேற்பாா்வையிட்ட ஆட்சியா் சிவாடி எச்பிசிஎல் நிறுவனம் மூலம் மரக்கன்றுகளை நடவுசெய்தாா்.

நிகழ்ச்சியில் தருமபுரி மக்களவை உறுப்பினா் ஆ.மணி, கூடுதல் ஆட்சியா் (வளா்ச்சி) கேத்தரின் சரண்யா, மாவட்ட வருவாய் அலுவலா் இரா.கவிதா, உதவி இயக்குநா் (ஊராட்சிகள்) நிா்மல் ரவிகுமாா், தருமபுரி கோட்டாட்சியா் இரா.காயத்ரி, தருமபுரி நகா்மன்றத் தலைவா் லட்சுமி மாது, அனைத்து துறை தலைமை அலுவலா்கள் கலந்து கொண்டனா்.