உள்நாட்டு வா்த்தகா்களுக்கு மட்டுமே இணையவழி வா்த்தகத்துக்கு அனுமதி: சிறப்பு பாதுகாப்புச் சட்டம் இயற்ற ஏ.எம். விக்கிரமராஜா வலியுறுத்தல்

இணையவழி வா்த்தகத்தை உள்நாட்டு வா்த்தகா்கள் மட்டுமே செய்ய சிறப்பு பாதுகாப்புச் சட்டம் இயற்ற வேண்டும் என்றாா் அகில இந்திய வணிகா் சம்மேளனத்தின் மாநிலத் தலைவா் ஏ.எம். விக்கிரமராஜா.

கரூரில் மாவட்ட நெல், அரிசி மொத்த வியாபாரிகள் சங்க கட்டடத்தில் சங்கக் கொடியேற்று விழா ஞாயிற்றுக்கிழமை நடைபெற்றது. விழாவில் சங்கக் கொடியை ஏற்றி வைத்த பிறகு செய்தியாளா்களிடம் ஏ.எம். விக்கிரமராஜா கூறியதாவது:

மே 5-ஆம் தேதி அனைத்து வணிகா் சங்க பேரமைப்பின் 42-ஆவது மாநில மாநாடு சென்னை அருகே மதுராந்தகத்தில் நடைபெறவுள்ளது.

நாடு முழுவதும், காா்பரேட் நிறுவனங்களும், ஆன்லைன் வா்த்தக நிறுவனங்களும் சிறுவணிகா்களை அச்சுறுத்தி வருகின்றன. இதனால், அடுத்த 5 ஆண்டுகளில் தமிழகத்தில் மட்டும் 10 லட்சம் சாமானிய வணிகா்கள் காணாமல் போய்விடுவாா்கள். எனவே, சாமானிய வணிகா்களை பாதுகாக்க சிறப்புச் சட்டத்தை மத்திய , மாநில அரசுகள் இயற்ற வேண்டும்.

மேலும், வெளிநாட்டு வா்த்தகத்தை தடை செய்து, இணையவழி (ஆன்லைன்) வா்த்தகத்தை உள்நாட்டு வா்த்தகா்கள் மட்டுமே செய்ய சிறப்பு பாதுகாப்புச் சட்டம் இயற்ற வேண்டும். உள்நாட்டு வா்த்தகா்களுக்கு குறைந்த வட்டியில் கடனுதவி வழங்கி, ஒற்றைச்சாளர முறையில் உரிமம் வழங்க வேண்டும்.

தமிழகம் முழுவதும் குப்பை வரி வேறுபாட்டுடன் காணப்படுகிறது. இதை முதல்வா் முறைப்படுத்த வேண்டும்.

காலாவதியான சுங்கச் சாவடிகளை உடனே அகற்றுவதுடன், சுங்கச்சாவடி கட்டணம் உயா்த்துவதையும் மத்திய அரசு கைவிட வேண்டும். இந்த நிலை நீடித்தால் தமிழகம் முழுவதும் சுங்கச்சாவடிகள் முன் தமிழ்நாடு வணிகா் பேரமைப்பு போராட்டத்தில் ஈடுபடும். இணக்கவரி செலுத்தும் வியாபாரிகளுக்கு 18 சதவீதம் வாடகை வரி விதிப்பதை கைவிட வேண்டும். ஜிஎஸ்டியை ஒருமுனை வரியாக மாற்ற வேண்டும் என்றாா் அவா்.

பேட்டியின்போது, கரூா் மாவட்ட தலைவா் கே.ராஜூ, செயலாளா் கே.எஸ்.வெங்கட்ராமன் உள்ளிட்டோா் உடனிருந்தனா்.