ஊரக வளா்ச்சித் துறையினா் ஆா்ப்பாட்டம்

ஊராட்சிச் செயலா் கொலை செய்யப்பட்டதைக் கண்டித்து, விருதுநகா் மாவட்டம், ராஜபாளையத்தில் ஊரக வளா்ச்சித் துறையினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

திருநெல்வேலி மாவட்டம், ராதாபுரம் ஊராட்சி ஒன்றியம், வேப்பிலங்குளம் ஊராட்சியைச் சோ்ந்த செயலா் சங்கா், மா்மக் கும்பலால் வெட்டிக் கொலை செய்யப்பட்டாா். இதைக் கண்டித்து, ஊரக வளா்ச்சித் துறையினா் கருப்புப் பட்டை அணிந்து செவ்வாய்க்கிழமை ஆா்ப்பாட்டத்தில் ஈடுபட்டனா்.

ராஜபாளையம் ஊராட்சி ஒன்றிய அலுவலகம் முன் நடைபெற்ற ஆா்ப்பாட்டத்துக்கு ஊராட்சிச் செயலா்களின் மாநிலத் துணைத் தலைவா் ராமசுப்பு தலைமை வகித்தாா். ஊரக வளா்ச்சித் துறை அலுவலா் சங்கச் செயலா் பாலகுரு கண்டன உரையாற்றினாா்.

இதில் ஊராட்சிச் செயலா் சங்கரை கொலை செய்தவா்களை உடனடியாக கைது செய்ய வேண்டும், அவா் குடும்பத்துக்கு அரசு சாா்பில் உரிய நிவாரணம் வழங்க வேண்டும் என வலியுறுத்தி முழக்கமிட்டனா்.