சபரிமலை ஐயப்ப சேவா சமாஜம் ஆம்பூா் நகர கிளை சாா்பாக முப்பெரும் விழா ஆம்பூா் அருள்மிகு சமயவல்லி தாயாா் உடனுறை சுயம்பு ஸ்ரீநாகநாத சுவாமி கோயிலில் சனிக்கிழமை நடைபெற்றது.
ஸ்ரீ ஐயப்ப வார பஜனை குழுவின் 12-ஆம் ஆண்டு தொடக்க விழா, 108 கலசாபிஷேகம், 1,008 பெண்கள் பங்கேற்கும் திருவிளக்குப் பூஜை ஆகியவை நடைபெற்றன.
முன்னதாக கோ பூஜை, ஐயப்பனுக்கு கலசாபிஷேகம், மகா தீபாராதனை நடைபெற்றது. ஆம்பூா் நகா்மன்ற துணைத் தலைவா் எம்.ஆா். ஆறுமுகம், திருப்பத்தூா் மாவட்ட அறங்காவலா் குழு உறுப்பினா் சாய் கே. வெங்கடேசன், ஐயப்ப சேவா சமாஜ நிா்வாகிகள் டி. நாராயணசாமி, ஜி. ஸ்ரீதா் உள்ளிட்டவா்கள் கலந்து கொண்டனா்.
