ஒசூா் 21-ஆவது வாா்டில் மேயா் ஆய்வு

ஒசூா் மாநகராட்சியில் 21-ஆவது வாா்டு பகுதிகளில் அடிப்படை வசதிகள் குறித்து ஆய்வுமேற்கொண்ட மேயா், பொதுமக்களின் கோரிக்கைகளை உடனடியாக நிவா்த்தி செய்யுமாறு மாநகராட்சி அதிகாரிகளுக்கு உத்தரவிட்டாா்.

ஒசூா் மாநகராட்சிக்கு உள்பட்ட 21-ஆவது வாா்டு பகுதிகளில் கழிவுநீா் கால்வாய், தாா்சாலை, குடிநீா் பிரச்னை இருப்பதாக பொதுமக்கள் தெரிவித்து வந்ததைத் தொடா்ந்து ஒசூா் மேயா் எஸ்.ஏ.சத்யா புதன்கிழமை ஆய்வு மேற்கொண்டு, வீடுகள்தோறும் சென்று பொதுமக்களின் குறைகளை கேட்டறிந்தாா். பின்னா், தேவையான அடிப்படை வசதிகளை மேம்படுத்தித் தருமாறு மாநகராட்சி அதிகாரிகளுக்கு அறிவுறுத்தினாா்.

இந்நிகழ்வில், மண்டலக் குழு தலைவா் ரவி, உதவி பொறியாளா் பிரபாகரன், மன்ற உறுப்பினா்கள் மஞ்சுநாத், வாா்டு கழக நிா்வாகிகள் உள்ளிட்டோா் உடன் இருந்தனா்.