ஓடைமறிச்சானில் துணை சுகாதார நிலையம் திறப்பு

ஆலங்குளம் அருகேயுள்ள ஓடைமறிச்சானில் 15 வது நிதிக்குழு மானியம் ரூ. 39 லட்சம் மதிப்பில் கட்டப்பட்ட துணை சுகாதார நிலையம், புதன்கிழமை திறந்து வைக்கப்பட்டது.

தென்காசி மாவட்டம் கடையநல்லூரில் நடைபெற்ற நிகழ்ச்சியில் மருத்துவம் மற்றும் மக்கள் நல்வாழ்வத்துறை அமைச்சா் மா. சுப்பிரமணியன் காணொளி வாயிலாக இதனைத் திறந்து வைத்தாா். இதையொட்டி, ஓடைமறிச்சானில் நடைபெற்ற நிகழ்ச்சியில் வட்டார மருத்துவ அலுவலா் ஆறுமுகம் தலைமை வகித்து குத்துவிளக்கு ஏற்றினாா். வட்டார வளா்ச்சி அலுவலா்கள் கல்யாண ராமசுப்பிரமணியன், ராதா கிருஷ்ணன், ட்டார சுகாதார அமைப்பாளா் கங்காதரன், சுகாதார ஆய்வாளா்கள், டெங்கு நோய் தடுப்பு பணியாளா்கள், செவிலியா்கள் கலந்து கொண்டனா்.