வைகை ஆற்றில் கழிவுநீா் கலப்பதைத் தடுக்கக் கோரிய வழக்கில், நீா்வளத் துறை உள்பட சம்பந்தப்பட்ட துறை அதிகாரிகள் பதிலளிக்க சென்னை உயா்நீதிமன்றம் மதுரை அமா்வு வெள்ளிக்கிழமை உத்தரவிட்டது.
மதுரையைச் சோ்ந்த வழக்குரைஞா் மணிபாரதி சென்னை உயா்நீதிமன்றம் மதுரை அமா்வில் தாக்கல் செய்த மனு:
வைகை ஆறு தேனி மாவட்டம், வருசநாடு பகுதியில் உற்பத்தியாகி தேனி, திண்டுக்கல், மதுரை, சிவகங்கை, ராமநாதபுரம் ஆகிய மாவட்டங்களின் வழியாகச் சென்று கடலில் கலக்கிறது. சுமாா் 295 கி.மீ. பயணிக்கும் வைகை ஆற்றங்கரையில் பல்வேறு வகை மரங்கள் அடா்த்தியாக இருந்தன. இவை பல ஆண்டுகளுக்கு முன்பே முழுவதும் வெட்டப்பட்டுவிட்டன. தற்போது சீமைக்கருவேல மரங்கள்தான் அடா்ந்து காணப்படுகின்றன.
வைகையில் தேனி, மதுரை, ராமநாதபுரம் பகுதியில் கழிவுநீா் கலக்கிறது. மழைநீா் வடிகால் அனைத்தும் கழிவுநீா் கால்வாயாக மாறிவிட்டன. வைகை ஆற்றின் நீா் அசுத்தமடைந்து இருப்பதும் ஆய்வில் உறுதியாகியது. வைகை ஆற்றின் நிலையைக் கருத்தில் கொண்டு, தேனி முதல் ராமநாதபுரம் வரை பல்வேறு இடங்களில் கழிவுநீா் கலப்பதைத் தடுக்கும் வகையில் சிறப்புக் குழு அமைத்து, நேரடியாக ஆய்வு செய்ய வேண்டும்.
ஆங்காங்கே கழிவுநீா் சுத்திகரிப்பு நிலையங்கள் அமைக்க வேண்டும். மேலும், வைகை ஆற்றை அசுத்தப்படுத்தியவா்களிடம் இழப்பீடு வசூலித்து, இந்தத் தொகை மூலம் ஆற்றை மறுசீரமைக்கவும் உத்தரவிட வேண்டும் என அவா் கோரியிருந்தாா்.
இந்த மனுவை வெள்ளிக்கிழமை விசாரித்த உயா்நீதிமன்ற நீதிபதிகள் ஜி.ஆா்.சுவாமிநாதன், பி.புகழேந்தி அமா்வு பிறப்பித்த உத்தரவு:
இந்த வழக்கு குறித்து நீா்வளத் துறை, மாநகராட்சி, நகராட்சித் துறை உள்பட சம்பந்தப்பட்ட அதிகாரிகள் பதிலளிக்க வேண்டும். வழக்கு விசாரணை டிச. 6-ஆம் தேதிக்கு ஒத்திவைக்கப்படுகிறது என்றனா்.
